________________
बाइसमें अज्झयणं
मणपरिणामे य कए, देवा य जहोइयं समोइण्णा । सव्वड्ढीए सपरिसा, निवखमणं तस्स काउं जे ।। २१ ।।
१७७
देव मणुस परिवुडो, सीयारयण तओ समारूढो । निक्खमिय वारगाओ, रेवययंमि द्विओ भगवं ॥ २२ ॥
उज्जाणं संपत्तो, ओइण्णो उत्तिमाओ सीयाओ । साहस्सीए परिवुडो, अह निक्खमई उ चित्ताहि ॥ २३ ॥
अह से सुगन्धगन्धिए तुरियं मउयकुंचिए । सयमेव लुचई केसे पंचमुट्ठीहिं समाहिओ ॥ २४ ॥ वासुदेवो य णं भणइ लुत्तकेसं जिइन्दियं । इच्छियमणोरहे तुरियं पावेसू तं दमीसरा ! ।। २५ ।।
नाणेणं दंसणेणं च चरितेण तहेव य । खन्तीए मुत्तीए वड्ढमाणो भवाहि य ।। २६ ।।
एवं ते रामकेसवा दसारा य वहू जणा । अरिट्टणेमि वन्दित्ता अइगया वारगापुरिं ।। २७ ।।
सोऊण रायकन्ना पव्वज्जं सा जिणस्स उ । नीहासा य निराणन्दा सोगेण उ समुत्थया ॥ २८ ॥
राईमई विचिन्तेइ धिरत्थु मम जीवियं । जा हं तेण परिच्चत्ता सेयं पव्वइउं मम ॥ २६ ॥
अह सा भमरसन्निभे कुच्चफणगपसाहिए 1 सयमेव लुचई केसे धिइमन्ता ववस्सिया ॥ ३० ॥
'.
1
वासुदेवो य णं भणइ लुत्तकेस जिइन्दियं । संसारसागरं घोरं तर कन्ने ! लहुं
लहुं ॥ ३१ ॥
