________________
एगविसइमं अज्झयणं
१७१
.
' एगर्विसइमं अज्झयणं समुद्दपालीयं
चम्पाए पालिए नाम, सावए आसि वाणिए। महावीरस्स भगवओ, सीसे सो उ महप्पणो ॥ १ ॥ निग्गन्थे पावयणे, सावए से विकोविए। . . पोएण ववहरन्ते पिहुण्ड नगरमागए ॥ २ ॥ पिहण्डे ववहरन्तस्स वाणिओ देइ धूयरं । तं ससत्तं पइगिज्झ सदेसमह पत्थिओ ।। ३ ।। अह पालियस्स धरणी ‘समुइंमि पसवई। अह दारए तहिं जाए, समुद्दपालि त्ति नामए ।। ४ ।। खेमेण आगए चम्पं, सावए वाणिए घरं । संवड्ढई घरे तस्स दारए से सुहोइए ॥ ५ ॥ वावतरि कलाओ य सिक्खए नीइकोविए। जोवणेण य संपन्ने सुरूवे पियदंसणे ॥ ६ ॥ तस्स रूववइं भज्जं पिया आणेइ रूविणि। पासाए कीलए रम्मे देवो दोगुन्दओ जहा ।। ७ ।। अह अन्नया कयाई, पासायालोयणे ठिओ। वज्झमण्डणसोभागं वज्झं पासइ वज्झगं ।। ८ ।। तं पासिऊण संविग्गो, समुद्दपालो इणमब्ववी। . . अहोऽसुभाण कम्माणं निज्जाणं पावगं इमं ॥ ६ ॥
