________________
१७०
उत्तरज्झयणं
एवरगदन्ते वि महातवोधणे
__ महामुणी महापइन्ने महायसे । महानियष्ठिज्जमिणं महासुयं
से काहए महया वित्थरेणं ।। ५३ ।। तुदो य सेणिओ राया इणमुदाहु कयंजली । अणाहत्तं जहाभूयं सुट्ट, मे उवदंसियं ।। ५४ ।। तुझं सुलद्धं खु मणुस्सजम्म
लाभा सुलद्धा य तुमे महेसी ! । तुभे सणाहा य सवन्धवा य
जं भे ठिया मग्गे जिणुत्तमाणं ॥ ५५ ॥
तं सि नाहो अणाहाणं, सव्वभूयाण संजया ! । खामेमि ते महाभाग ! इच्छामि अणुसासिउं ।। ५६ ।। पूच्छिऊण मए तुभं, झाणविग्यो उ जो कओ। निमन्तिओ य भोगेहिं, तं सव्वं मरिसेहि मे ।। ५७ ।। एवं थुणित्ताण स रायसीहो
अणगारसीहं परमाइ भत्तिए । सओरांहो य सपरियणो य
धम्माणुरत्तो विमलेण चेयसा ।। ५८ ।। ऊससियरोमकूवो काऊण य पयाहिणं । अभिवन्दिऊण सिरसा, अइयाओ नराहिवो ।। ५६ ।। इयरो वि गुणसमिद्धो
तिगुत्तिगुत्तो तिदण्डविरओ य । विहग इव विप्पमुक्को विहरइ वसुहं विगयमोहो ।। ६० ।।
-त्ति वेमि.॥
