________________
विसइम अज्झयणं
१६५ तओ सो पहसिओ राया सेणिओ मगहाहिवो। एवं ते इड्ढिमन्तस्स कहं नाहो न विज्जई ? ।। १० ।। होमि नाहो भयन्ताणं ! भोगे भुंजाहि संजया !। मित्तनाईपरिवुडो माणुस्सं खु सुदुल्लहं ॥ ११ ॥ अप्पणा वि अणाहो सि, सेणिया! मगहाहिवा! अप्पणा अणाहो सन्तो कहं नाहो भविस्ससि ?।। १२ ।। एवं वुत्तो नरिन्दो सो, सुसंभन्तो सुविम्हिओ। वयणं अस्सुयपुव्वं साहुणा विम्यन्निओ ।। १३ ।। अस्सा हत्थी मणुस्सा मे, पुरं अन्तेउरं च मे। भुंजामि माणुसे भोगे आणाइस्सरियं च मे ।। १४ ।। एरिसे सम्पयग्गम्मि सव्वकामसमप्पिए । कहं अणाहो भवइ? मा हु भन्ते ! मुसंवए ।। १५ ।। न तुमं जाणे अणाहस्स, अत्थं पोत्थं व पत्थिवा!! जहा अणाहो भवई, सणाहो वा नराहिवा ? ।। १६ ।।
सुणेह मे महाराय ! अव्व क्खित्तेण चेयसा ।। जहा. अणाहो भवई जहा मे. य पवत्तियं ॥ १७ ॥ .
कोसम्वी नाम नयरी पुराणपुरभेयणो । तत्थ आसी पिया मज्झ, पभूयधणसंचओ ।। १८ ॥ पढमे वए महाराय ! अउला मे अच्छिवेयणा । . अहोत्था विउलो दाहो, सव्वंगेसु य पत्थिवा !!१६ ॥ सत्थं जहा परमतिक्खं सरीरविवरन्तरे । पवेसेज्ज अरी कुद्धो; एवं मे अच्छिवेयणा ।। २० ।। :
