________________
चउदसमं अज्झयणं
१३३
एगओ संवसित्ताणं दुहओ सम्मत्तसंजुया । पच्छा जाया! गमिस्सामो भिक्खमाणा कुले कुले । २६ । जस्सस्थि मच्चुणा सक्खं जस्स वऽस्थि पलायणं । जो जाणे न मरिस्सामि सो हु कंखे सुए सिया ॥ २७ ॥ अज्जेव धम्म पडिवज्जयामो
जहिं पवना न पुणब्भवामो । अणागयं नेव य अस्थि किंचि
सद्धाखमं णे विणइत्तु रागं ॥ २८ ॥ पहीणपुत्तस्स हु नत्थि वासो
वासिदि! भिक्खायरियाइ कालो। साहाहि रुक्खो लहए समाहिं
____ छिन्नाहि साहाहि तमेव खाणुं । १६ ।। पंखाविहूणो व्व जहेह पक्खी
भिच्चाविहूणो व्व रणे नरिन्दो । विवन्नसारो वणिओ व्व पोए
पहोणपुत्तो मि तहा अहं पि ।। ३० ॥ सुसंभिया कामगुणा इमे ते
. संपिण्डिया. अग्गरसापभूया। भुंजामु ता कामगुणे पगामं
पच्छा गमिस्सामु पहाणमग्गं ।। ३१ ।। भुत्ता रसा भोइ ! जहाई णे वओ
न जीवियट्ठा पजहामि भोए। लाभं अलाभं च सुहं च दुक्खं
संचिक्खमाणो चरिस्सामि मोणं ।। ३२ ॥
