Page Text
________________
(६.२९६-२९६)
अट्ठयथाभुच्चवण्णना
बहुजनहित
पटिपत्ति ।
तेनाह
"यावस्सा "तिआदि ।
सेपदानीति
“बहुजनसुखाया ”तिआदीनि पदानि । पच्छिमन्ति “ अत्थाय हिताय सुखाया " ति पदत्तयं । पुरिमस्साति ततो पुरिमस्स पदत्तयस्स । अत्थोति अत्थनिद्देसो ।
यदिपि अतीतेनङ्गेन समन्नागता सत्थारो अहेसुं, तेपि पन बुद्धा एवाति अथ अम्हाकं सत्था अनञ्ञति आह “अतीतेपि बुद्धतो अञ्यं न समनुपस्सामा ''ति । यथा च अतीते, एवं अनागते चाति अयमत्थो नयतो लब्भतीति कत्वा वुत्तं "अनागतेपि न समनुपस्सामा "ति । सक्को पन देवराजा तमत्थं अत्थापन्नमेव कत्वा "न पनेतरहि " इच्चेवाह । किं सक्को कथेतीति विचारेत्वाति “नेव अतीतंसे समनुपस्समा 'ति वदन्तो सक्को किं कथेती”ति विचारणं समुट्टपेत्वा । यस्मा अतीते बुद्धा अहेसुं, अनागते भविस्सन्तीति नायमत्थो सक्केन देवराजेन परिञातो, ते पन बुद्धसामञ्ञेन अम्हाकं भगवता सद्धिं गहेत्वा एतरहि अञ्ञस्स सब्बेन सब्बं अभावतो तथा वृत्तन्ति दस्सेतुं “ एतरही "तिआदि वृत्तं । स्वाक्खातादीनीति स्वाक्खातपदादीनि । कुसलादीनीति “इदं कुसल "न्तिआदीनि पदानि ।
२०३
गङ्गायमुनानं असमागमट्ठाने उदकं भिन्नवण्णं होन्तम्पि समागमट्ठाने अभिन्नवणं एवाति आह "वण्णेनपि संसन्दति समेतीति । तत्थ किर गङ्गोदकसदिसमेव यमुनोदकं । यथा निब्बानं केनचि किलेसेन अनुपक्किलिट्ठताय परिसुद्धं एवं निब्बानगामिनिपटिपदापि केनचि किलेसेन अनुपक्किलिट्ठताय परिसुद्धाव इच्छितब्बा । तेनाह " न ही "तिआदि । येन परिसुद्धत्थेन निब्बानस्स, निब्बानगामिनिया पटिपदाय च आकासूपमता, सो केनचि अनुपलेपो, अनुपक्किलेसो चाति आह “ आकासम्पि अलग्गं परिसुद्ध "न्ति । इदानि मत्थं निदस्सनेन विभूतं कत्वा दस्सेतुं “चन्दिमसूरियान "न्तिआदि वृत्तं । संसन्दति युज्जति पटिपज्जितब्बतापटिपज्जनेहि अञ्ञमञ्ञानुच्छविकताय ।
Jain Education International
पटिपदाय ठितानन्ति पटिपदं मग्गपटिपत्तिं पटिपज्जमानानं । वुसितवतन्ति ब्रह्मचरियवासं वुसितवन्तानं एतेसं । लद्धसहायोति एतासं पटिपदानं वसेन लद्धसहायो । तत्थ तत्थ सावकेहि सत्थु कातब्बकिच्चे । इदं पन " अदुतियो 'तिआदि सुत्तन्तरे आगतवचनं अञ्जेहि असदिसट्टेन वुत्तं न यथावुत्तसहायाभावतो । अपनुज्जाति अपनीय विवज्जेत्वा । " अपनुज्जा" ति च अन्तोगधावधारणं इदं वचनं एकन्तिकत्ता तस्स अपनोदस्साति वृत्तं “अपनुज्जेवा "ति ।
203
For Private & Personal Use Only
www.jainelibrary.org
| SR No. | 009983 |
| Book Title | Mahavagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 410 |
| Language | Prakrit, Sanskrit |
| Classification | Interfaith & Buddhism |
| File Size | 15 MB |