________________
(१.१३.५२२-५२४)
१३. तेविज्जसुत्तं
२१५
भगवा''ति । आयाम, भो भारद्वाज, येन समणो गोतमो तेनुपसङ्कमिस्साम; उपसङ्कमित्वा एतमत्थं समणं गोतमं पुच्छिस्साम । यथा नो समणो गोतमो ब्याकरिस्सति, तथा नं धारेस्सामा''ति । “एवं, भो''ति खो भारद्वाजो माणवो वासेट्ठस्स माणवस्स पच्चस्सोसि ।
मग्गामग्गकथा
५२२. अथ खो वासेट्ठभारद्वाजा माणवा येन भगवा तेनुपसङ्कमिंसु; उपसङ्कमित्वा भगवता सद्धिं सम्मोदिंसु । सम्मोदनीयं कथं सारणीयं वीतिसारेत्वा एकमन्तं निसीदिंसु । एकमन्तं निसिन्नो खो वासेट्ठो माणवो भगवन्तं एतदवोच- "इध, भो गोतम, अम्हाकं जङ्घविहारं अनुचङ्कमन्तानं अनुविचरन्तानं मग्गामग्गे कथा उदपादि । अहं एवं वदामि'अयमेव उजुमग्गो, अयमञ्जसायनो निय्यानिको निय्याति तक्करस्स ब्रह्मसहब्यताय, य्वायं अक्खातो ब्राह्मणेन पोक्खरसातिनाति । भारद्वाजो माणवो एवमाह - 'अयमेव उजुमग्गो अयमञ्जसायनो निय्यानिको निय्याति तक्करस्स ब्रह्मसहब्यताय, वायं अक्खातो ब्राह्मणेन तारुक्खेना'ति । एत्थ, भो गोतम, अत्थेव विग्गहो, अस्थि विवादो, अत्थि नानावादो''ति ।।
५२३. “इति किर, वासेठ्ठ, त्वं एवं वदेसि - "अयमेव उजुमग्गो, अयमञ्जसायनो निय्यानिको निय्याति तक्करस्स ब्रह्मसहब्यताय, वायं अक्खातो ब्राह्मणेन पोक्खरसातिना''ति । भारद्वाजो माणवो एवमाह- “अयमेव उजुमग्गो अयमञ्जसायनो निय्यानिको निय्याति तक्करस्स ब्रह्मसहब्यताय, य्वायं अक्खातो ब्राह्मणेन तारुक्खेना"ति। अथ किस्मिं पन वो, वासेठ्ठ, विग्गहो, किस्मिं विवादो, किस्मिं नानावादो"ति ?
५२४. “मग्गामग्गे, भो गोतम । किञ्चापि, भो गोतम, ब्राह्मणा नानामग्गे पञपेन्ति, अद्धरिया ब्राह्मणा तित्तिरिया ब्राह्मणा छन्दोका ब्राह्मणा बव्हारिज्झा ब्राह्मणा, अथ खो सब्बानि तानि निय्यानिका निय्यन्ति तक्करस्स ब्रह्मसहब्यताय ।
“सेय्यथापि, भो गोतम, गामस्स वा निगमस्स वा अविदूरे बहूनि चेपि नानामग्गानि भवन्ति, अथ खो सब्बानि तानि गामसमोसरणानि भवन्ति; एवमेव खो, भो गोतम, किञ्चापि ब्राह्मणा नानामग्गे पञपेन्ति, अद्धरिया ब्राह्मणा तित्तिरिया
215
Jain Education International
For Private & Personal Use Only
www.jainelibrary.org
