________________
१३. तेविज्जसुत्तं
५१८. एवं मे सुतं - एकं समयं भगवा कोसलेसु चारिकं चरमानो महता भिक्खुसङ्घन सद्धिं पञ्चमत्तेहि भिक्खुसतेहि येन मनसाकटं नाम कोसलानं ब्राह्मणगामो तदवसरि । तत्र सुदं भगवा मनसाकटे विहरति उत्तरेन मनसाकटस्स अचिरवतिया नदिया तीरे अम्बवने ।
५१९. तेन खो पन समयेन सम्बहुला अभिञाता अभिञाता ब्राह्मणमहासाला मनसाकटे पटिवसन्ति, सेय्यथिदं - चङ्की ब्राह्मणो तारुक्खो ब्राह्मणो पोक्खरसाति ब्राह्मणो जाणुसोणि ब्राह्मणो तोदेय्यो ब्राह्मणो अञ्चे च अभिञाता अभिज्ञाता ब्राह्मणमहासाला ।
५२०. अथ खो वासेट्ठभारद्वाजानं माणवानं जङ्घविहारं अनुचङ्कमन्तानं अनुविचरन्तानं मग्गामग्गे कथा उदपादि । अथ खो वासेठ्ठो माणवो एवमाह - “अयमेव उजुमग्गो, अयमञ्जसायनो निय्यानिको निय्याति तक्करस्स ब्रह्मसहब्यताय, य्वायं अक्खातो ब्राह्मणेन पोक्खरसातिनाति । भारद्वाजोपि माणवो एवमाह - “अयमेव उजुमग्गो, अयमञ्जसायनो निय्यानिको, निय्याति तक्करस्स ब्रह्मसहब्यताय, य्वायं अक्खातो ब्राह्मणेन तारुक्खेना''ति । नेव खो असक्खि वासेठ्ठो माणवो भारद्वाजं माणवं सापेतुं, न पन असक्खि भारद्वाजो माणवोपि वासेट्ठ माणवं सापेतुं ।
५२१. अथ खो वासेट्ठो माणवो भारद्वाजं माणवं आमन्तेसि - “अयं खो, भारद्वाज, समणो गोतमो सक्यपुत्तो सक्यकुला पब्बजितो मनसाकटे विहरति उत्तरेन मनसाकटस्स अचिरवतिया नदिया तीरे अम्बवने । तं खो पन भवन्तं गोतमं एवं कल्याणो कित्तिसद्दो अब्भुग्गतो- “इतिपि सो भगवा अरहं सम्मासम्बुद्धो विज्जाचरणसम्पन्नो सुगतो लोकविदू अनुत्तरो पुरिसदम्मसारथि सत्था देवमनुस्सानं बुद्धो
214
Jain Education International
For Private & Personal Use Only
www.jainelibrary.org
