________________
निरयावलियासु [११"खिप्पामेव, भो देवाणुप्पिया, धम्मियं जाणप्पवरं जुत्तामेव उवट्ठवेह" । उवट्ठवित्ता जाव पञ्चप्पिणन्ति ॥ ११ ॥
तए णं सा काली देवी पहाया कयबलिकम्मा, जाव अप्पमहग्याभरणालंकियसरीरा बहहिं खुजाहिं, जाव महत्तरगविन्दपरिक्खित्ता अन्तेउराओ निग्गच्छइ । २ त्ता जेणेव बाहिरिया उवट्ठाणसाला, जेणेव धम्मिए जाणप्पवरे, तेणेव उवागच्छइ । २ धम्मियं जाणप्पवरं दुरुहइ ।२ नियगपरियालसंपरिखुडा चम्पं नयरिं मझंमज्झेणं निग्गच्छइ । २ जेणेव पुण्णभद्दे चेइए, तेणेव उवागच्छइ । २ छत्ताईए जाव धम्मियं जाणप्पवरं ठवेइ । २ धम्मियाओ जाणप्पवराओ पञ्चोरुहइ । २बहूहिं जाव खुजाहिं 'विन्दपरिक्खित्ता जेणेव समणे भगवं महावीरे, तेणेव उवागच्छइ । २ समणं भगवं महावीरं तिक्खुत्तो वन्दइ । ठिया चेव सपरिवारा सुस्सूसमाणी नमंसमाणी अभिमुहा विणएणं पञ्जलिउडा पञ्जुवासइ ॥१२॥
तए णं समणे भगवं जाव कालीए देवीए तीसे य महइमहालियाए, धम्मकहा भाणियव्वा, जाव समणोवासए वा समणोवासिया वा विहरमाणा आणाए आराहए भवइ॥१३॥
तए णं सा काली देवी समणस्स भगवओ महावीरस्स अन्तियं धम्मं सोचा निसम्म, जाव 'हियया समणं भगवं तिक्खुत्तो, एवं वयासी-"एवं खलु, भन्ते, मम पुत्ते काले कुमारे तिहिं दन्तिसहस्सेहिं जावरहमुसलं संगामं ओयाए। सेणं, भन्ते, किंजइस्सइ? नो जइस्सइ,जाव काले णं कुमारे अहं जीवमाणं पासिजा?" ॥१४॥
