________________
१०]
पढमो वग्गो
विहरइ । तत्थ णं चम्पाए नयरीए सेणियस्स रन्नो भज्जा कृणियस्स रन्नो चुल्लमाउया काली नाम देवी होत्था, सोमाल° जाव सुरूवा। तीसे णं कालीए देवीए पुत्चे काले नाम कुमारे होत्था, सोमाल° जाव सुरूवे ॥८॥
तए णं से काले कुमारे अन्नया कयाइ तिहिं दन्तिसहस्सेहिं तिहिं रहसहस्सेहिं तिहिं आससहस्सेहिं तिहिं मणुयकोडीहिं गरुलवूहे एक्कारसमेणं खण्डेणं कूणिएणं रन्ना सद्धिं रहमुसलं संगामं ओयोए. ॥९॥
तए णं तीसे कालीए देवीए अन्नया कयाइ कुडुम्बजागरियं जागरमाणीए अयमेयारूवे अज्झथिए जाव समुप्पजित्था-"एवं खलु ममं पुत्ते कालकुमारे तिहिं दन्तिसहस्सेहिं जाव ओयाए । से मन्ने किं जइस्सइ? नो जइस्सइ? 'जीविस्सइ ? नो जीविस्सइ ? पराजिणिस्सइ ? नो पराजिणिस्सइ ? काले णं कुमारे अहं जीवमाणं पासिजा?" ओहयमणे जाव झियाइ ॥१०॥
तेणं कालेणं तेणं समएणं समणे भगवं महावीरे समोसरिए । परिसा निग्गया । तए णं तीसे कालीए देवीए इमीसे कहाए लट्ठाए समाणीए अयमेयारूवे अज्झथिए, जाव समुप्पजित्था-"एवं खलु, समणे भगवं पुव्वाणुपुर्वि जाव विहरइ । तं महाफलं खलु तहारूवाणं जाव विउलस्स भट्ठस्स गहणयाए। तं गच्छामि णं समणं,जाव पजुवासामि, इमं च णं एयारूवं वागरणं पुच्छिस्सामि" ति कट्ट एवं संपेहेइ । २ कोडम्बियपुरिसे सद्दावेइ । २ एवं वयासी
१. A उवायाए; W उवागए throughout. २. A °माणी.
