Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
नघणं ठाणं खेल-जल्ल-सिंधाण-पारिद्वावणियासमिए मणगुत्ते वयगुत्ते कायगुत्ते गुत्ते गुतिदिए गुत्तबमवारीअममे अकिंचणे छित्रगंधे निरुपलेवे कंसापाईव मुक्कतोए जहा मावणाए जाव सुहुवयासणे तिव तेयसा जलंते १६९३-3-893-1 (८७३) कंसे संखे जीवे गगणे बाते य सारए सलिले पुक्खरपत्ते कुम्मे विहगे खग्गे य भारंडे
11१३९||-1 (८७४) कुंजर वसहे सीहे नगराया चेव सागरमखोहे चंदे सूरे कणगे वंसुधरा चेव सुहुयहुए
।।१४०/-2 (८७५) नविणं तस्स भगवंतस्स कत्थइ पडिबंधे भविस्सइ सेय पडिबंधे चविहे पन्नता तं जहा-अंडाएइ वा पोचएइ वा उग्गहेइ वा पागहिएइ वा जेणं जं णं दिसं इच्छइ तं णं तं णं दिसं अपडिवद्धे सुचिभूए लहुभूए अणुप्पगंथे संजमेणं अप्पाणं भावेमाणे विहरिस्सई तस्स णं भगवंतस्स अनुत्तरेणं नाणेणं अनुतरेणं दंसणेणं अनुत्तरेणं चरित्तेणं एवं आलएणं विहारेणं अजवेणं मद्दवेणं लाघवेणं खंत्तीए मुत्तीए गुत्तीए सच्च संजम तव गुण सुचरिय सोय विय फलपरिनिब्याणमग्गेणं अप्पाणं भावेमाणस्स झाणंतरिवाए वट्टमाणस्स अगते अनुत्तरे निव्वाधाए निरावरणे कसिणे पडिपुण्णे केवलवरनाणदंसणे समुप्पजिहिति तए णं से भगवं अरहे जिणे भविसति केवली सव्वत् सव्वदरिसी सदेवमणुआसुरस्स लोगस्स परियागं जाणइ पासइ सब्बलोए सब्बजीवाणं आगई गति ठियं चयणं उबवायं तकं मणोमाणसियं भुत्तं कडं परिरोवियं आवीकम्मं रहोकमं अरहा अरहस्स भागी तं तं कालं मणसवयसकाइए जोगे वट्टमाणाणं सव्वलोए सव्वजीवाणं सव्यभावे जाणमाणे पासमाणे विहरिस्सह
तएणं से भगवं तेणं अनुत्तरेणं केवलवरनाणदंसणेणं सदेवमणुआसुराई लोगं अभिसमिच्चा समणाणं निगंथाणं सणेरइए जाच पंचमहब्बयाई स मावणाई छ जीवनिकाया धम्म देसेमामे विहरिस्सति [पा.-से णं भगवं जं चेव दिवस मुंडे भविता अपाराओ अणगारिय पव्ववाहिति तं वेव दिवसं सयमेयमेतारूवं अभिग्गहं अभिगिव्हिहिति-जे केइ उवसागा उप्पजिहिति तं जहा-दिव्वा वा माणुसा वा तिरिक्खजोणिया वा ते सब्बे सम्मं सहिस्सइ खमिस्सइ तितिक्खिस्सइ अहियास्सिइ तए णं से भगवं अणगारे भविस्सति-इरियासमिते भासासमिते एवं जहा बद्धमाणसामी तं चेव निरवसेसं जाव अव्यावारविउ-सजोगजुत्ते तस्स णं भगवंतस्स एतेणं विहारेणं विहरमाणस्स दुवालसहिं संवच्छरेहिं वीति- ककंतेहिं तेरसहिं य पक्खेहिं तेरसमस्स णं संवच्छरस्स अंतरा वट्टमाणस्स अनुत्तरेणं नाणेणं जहा भावणाते केवलवरनाणदसणे समुपजिहिति जिणे भविस्सति केवली सव्वण्णू सव्वदरिसी सणेरइय जाव पंच महब्बयाई सभावनाई छन्त्र जीवणिकाए धम्म देसेमाणे विहरिस्सति] [इति पाठान्तर]
से जहाणामाए अजो मए समणाणं निगंथणाणं एगे आरंभठाणे पन्नत्ता एवामेव महापउमेवि हा समणाणं निग्गंधाणं एगं आरंभठाणं पण्णवेहिति से जहाणायए अज्जो मए समणाणं निगांधाणं दुविहे बंधणे पन्नता तं जहा-पेज्जबंधणे य दोसबंधणे य एवामेव महापउमेवि अरहा समणाणं निगपंथाणं दविहे बंधणं पण्णवेहिति तं जहा-पेजबंधणं च दोसवंधणं च से जहाणामए अज्ञो मए समणाणं निग्गंधाणं तओ दंडा पन्नत्ता तं जहागणदंडे वयदंडे 30
For Private And Personal Use Only
| SR No. | 009729 |
| Book Title | Agam 03 Thanam Angsutt 03 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 170 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 3 MB |