________________
क्रियमाणा क्रिया प्रायश्चेतसा सह जायते । ततः संस्कारनिर्माणं सततासेवनाद् भवेत् ॥५५॥
मनोरथः सुकार्याणां स्वीयशक्त्याः परीक्षणम् । करणे निर्णयः कार्ये हर्षः स्मृत्यामनुस्थितिः ॥५६॥
इति प्रत्येककार्येषु पंचधा यः प्रवर्तते । तस्य सद्धर्मसंस्कारैः चेतना वासिता भवेत् ॥५७॥ युग्मम्
ज्ञानस्य दर्शनस्यैवं चरित्र-तपसोः शुभा । क्रियैवाऽस्ति सदाचारो वीर्याचारोपबंहिता ॥५८॥
नित्यो नैमित्तिकश्चेति द्विधाऽऽचार: समुच्यते । तं तं कुर्वन् यथायोग्यं धर्मात्मा संस्कृतो भवेत् ॥५९॥
श्रीमतामहतां बिम्बं निर्ग्रन्थो भगवान् गुरुः । शुभं कल्याणमित्रं च कातैः शुभसंगतिः ॥६०॥
श्रीसंवेगरतिः
