________________
ਕਰਕੇ ਮੈਂ ਸਾਧੂ ਜੀਵਨ ਵਿੱਚ ਹੀ ਖੁਸ਼ੀ ਅਨੁਭਵ ਕਰਦਾ ਹਾਂ। ਅਜਿਹਾ ਆਖ ਕੇ ਮੁਨੀ ਕਪਿਲ ਰਾਜ ਮਹਿਲ ਤੋਂ ਬਾਹਰ ਆ ਗਿਆ।
ਲਗਾਤਾਰ ਸੰਜਮ ਦੀ ਅਰਾਧਨਾ ਕਰਕੇ ਮੁਨੀ ਨੇ ਸ਼ੁਭ ਭਾਵ ਕਾਰਨ ਕੇਵਲ ਗਿਆਨ ਪ੍ਰਾਪਤ ਕੀਤਾ ਅਤੇ ਉਹ ਕਪਿਲ ਕੇਵਲੀ ਦੇ ਨਾਂ ਨਾਲ ਪ੍ਰਸ਼ਿਧ ਹੋਏ। ਕੇਵਲੀ ਬਣਨ ਤੋਂ ਬਾਅਦ ਉਹ ਵਸਤੀ ਨਗਰੀ ਵਿੱਚ ਰਹਿਣ ਵਾਲੇ 500 ਚੋਰਾਂ ਨੂੰ ਗਿਆਨ ਦੇਣ ਆਏ, ਤਾਂ ਚੋਰਾਂ ਨੇ ਉਹਨਾਂ ਨੂੰ ਮਾਰਨਾ ਸ਼ੁਰੂ ਕਰ ਦਿਤਾ। ਚੋਰਾਂ ਦੇ ਸਰਦਾਰ ਬਲਭੱਦਰ ਨੂੰ ਸਮਝਾਉਣ ਤੇ ਚੋਰ ਇਸ ਗੱਲ ਤੇ ਮੰਨ ਗਏ ਕਿ ਕਪਿਲ ਮੁਨੀ ਇੱਕ ਗੀਤ ਸੁਨਾਵੇਗਾ। ਉਹਨਾਂ ਚੋਰਾਂ ਨੂੰ ਜੋ ਕਪਿਲ ਮੁਨੀ ਨੇ ਗੀਤ ਸੁਣਾਇਆ ਉਹ ਉਤਰਾਅਧਿਐਨ ਸੂਤਰ ਦੇ ਅੱਠਵੇਂ ਅਧਿਐਨ ਵਿੱਚ ਦਰਜ ਹੈ। ਧਰਮ ਰੂਪੀ ਗੀਤ ਸੁਣ ਕੇ ਪੰਜ ਸੋ ਚੋਰਾਂ ਦਾ ਜੀਵਨ ਬਦਲ ਗਿਆ ਤੇ ਉਹਨਾਂ ਨੇ ਕਪਿਲ ਕੇਵਲੀ ਕੋਲ ਦਿਖਿਆ ਲੈ ਲਈ ਅਤੇ ਉਹਨਾ ਦੇ ਨਾਲ ਚੱਲ ਪਏ। ਇਹ ਸੁਭ ਭਾਵ ਦਾ ਹੀ ਫਲ ਸੀ ਕਿ ਕਪਿਲ ਵਰਗੇ ਕਾਮੀ ਬ੍ਰਾਹਮਨ ਨੂੰ ਵੀ ਕੇਵਲ ਗਿਆਨ ਪ੍ਰਾਪਤ ਹੋਇਆ ਅਤੇ ਉਹਨਾਂ ਦਾ ਵਰਨਣ ਖੁਦ ਭਗਵਾਨ ਮਹਾਂਵੀਰ ਨੇ ਕੀਤਾ ਹੈ।
[177]
