________________
S
प्रमेयंचन्द्रिका टीका श०२४ उ०१ सू०२ नैरयिकाणां परिमाणादिद्वारनि० ३५१ भागं उक्कोसेणं जोयणसहस्सं४। तेसि णं भंते! जीवाणं सरीरगा कि संठिया पन्नत्ता ? गोयमा ! हुंडसंठाणसंठिया पन्नत्ता५। तेसि णं भंते! जीवाणं कइ लेस्साओ पन्नत्ताओ? गोयमा! तिन्नि लेस्साओ पन्नत्ताओ, तं जहा-कण्हलेस्सा, नीललेस्सा, काउलेस्सा६। ते णं भंते! जीवा किं सम्मदिट्री, मिच्छादिट्टी सम्मामिच्छादिट्ठी ? गोयमा! णो सम्मदिट्ठी मिच्छादिट्टी णो सम्मामिच्छादिट्टी७। ते णं भंते! जीवा किं णाणी अन्नाणी? गोयमा! णो णाणी अन्नाणी, नियमा दु अन्नाणी तं जहा-मइ अन्नाणी य सुय अन्नाणी य८ ते णं भंते ! जीवा किं भणजोगी वयजोगी-कायजोगी ? गोयमा! णो मणजोगी वयजोगी वि कायजोगी वि९। तेणं भंते ! जीवा किं सागारोवउत्ता. अणागारोवउत्ता ? गोयमा! सागारोवउत्ता वि अणागारोवउत्ता वि१०। तेसि णं भंते! जीवाणं कइसन्नाओ पन्नत्ताओ? गोयमा! चत्तारि सन्ना पन्नता तं जहा आहारसन्ना भयसन्ना मेहुणसन्ना परिग्गहसन्ना११। तेसि णं भंते! जीवाणं कइ कसाया पन्नत्ता? गोयमा! चत्तारि कसाया पन्नत्तातं जहा-कोहकसाए माणकसाए मायाकसाए लोभकसाए१२। तेसि णं भंते! जीवाणं कतिइंदिया पन्नत्ता ? गोयमा! पंच इंदिया पन्नत्ता तं जहा-सोइंदिए चक्खिदिए जाव फासिदिए १३ तेसि णभंते! जीवाणं कइसमुग्घाया पन्नत्ता ? गोयमा! तो समुग्घाया पन्नत्ता, तं जहा-वेयणासमुग्घाए, कसायसमुग्याए
