Mayna

SR No.: 008914
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2009
Total Pages: 298
Language: Gujarati
Classification: Book_Gujarati & Story
File Size: 9 MB

Page 213

લલિતાએ અમને આજે અડદનું આયંબિલ કરાવ્યું. આયંબિલ કરીને તેમણે વિશ્રામ કર્યો. હું અને લલિતા બીજા ખંડમાં જઈ ધીમા અવાજે વાતો કરવા લાગ્યાં. આજે લલિતા પ્રફુલ્લિત હતી. કુદરતે એને અપૂર્વ લાવણ્યમય કાયા આપી હતી. પ્રેમભર્યું હૃદય આપ્યું હતું. તે તેની સુંદર આંખોથી મારી તરફ જોઈ રહી... પછી સ્મિત કરીને બોલી :
મારી સખી! શ્રી સિદ્ધચક્ર-મહામંત્રની આરાધનાથી માત્ર રાજા જ નીરોગી બન્યા છે, એટલું નહીં, તારી દેહ કાંતિ પણ નીલકમલની પાંખડીઓ જેવી અતીવ સુંદર બની છે. સાગરની લહેરો જેવા તારા ગાઢા વાળ અને નીલપા જેવી ઉજ્જવલ ચમકતી મનમોહક તારી નિર્દોષ આખો! વિશ્વના શ્રેષ્ઠ શિલ્પકારના હાથે ઘડાયેલી પ્રતિમા જેવી સુંદર મુખશોભા. યોગ્ય અંગસૌષ્ઠવ, ઉન્નત-પુષ્ટ વક્ષ, પાતળી કટિ, રંભાત જેવા ગોળ ઘન ઊરુ, ચંપાકળી જેવી હાથ-પગની આંગળીઓ, લાલ શતદલપા જેવી હથેળી, પગનાં તળિયાં, મુક્તાવલી જેવી દંતપંક્તિ, વિદ્યુતને પણ શરમાવે એવી હાસ્ય-રેખા. ચન્દ્ર જેવા નખ.. અને તારા શરીરની કમળ જેવી ભીની ભીની મહેકથી ભ્રમરને પણ મતિભ્રમ થઈ જાય! તારા વાળના વાંકડિયા સૌંદર્યમાં પવન પણ બંધાઈને સ્થિર થઈ જાય.. તારું આવું સૌંદર્ય ખીલી ઊઠ્ય છે,
મારી સખી! તારા આ રૂપનું વર્ણન હું જ એકલી નથી કરતી. આજે નહીં, જ્યારે તું મહેલમાં હતી ત્યારે તારા રૂપની પ્રશંસા કવિઓ કરતા હતા. એક મહાકવિએ તો કહ્યું હતું : “રાજ કુમારી મયણાના રૂપનું વર્ણન ગમે તેટલું કરો, ઘણું બધું બાકી રહી જાય છે. જીવનભર કાવ્ય લખવા છતાં ય આ અનુપમ સૌંદર્યને યોગ્ય ઉપમા નહીં મળે! મયણાની ઉપમા મયણા પોતે જ છે!' લલિતા મારી પ્રિય સખી છે! મને ત્રાંસી આંખે જોઇ, હોઠ આમળીને હસી પડી. મેં એના માથે ટપલી મારીને કહ્યું : “તને સખીનું દિલ રીઝવતાં સારું આવડે છે! તને જે પુરુષ વરશે તે સ્વર્ગનું સુખ પામશે!'
સંધ્યાકાલીન આરતી કરી. લલિતા ઘરનાં બધાં કામ પતાવીને ચાલી ગઈ. અમે અમારા શયનખંડમાં ચાલ્યાં ગયાં. થોડીક અલક-મલકની વાતો કરી અને રાત્રિનો બીજો પ્રહર શરૂ થતાં જ અમે ઊંધી ગયાં.
૨૦૪
મયણા