________________
શાણિકનો બોધ અને નિત્યનો અનુભવ
મુનિદીક્ષા
મુનિદશા અને મુક્તદશાની પ્રાપ્તિના શુભ મુહૂર્ત હોતા નથી. ચોઘડીયા દેખીને દીક્ષા ગ્રહણ કરનારને ગૃહિત મિથ્યાત્વ જ છૂટ્યું નથી, તો અગૃહિત મિથ્યાત્વ વિષે તો પૂછવું જ શું? જેને ગૃહિત મિથ્યાત્વ ન છૂટ્યું હોય તેના ગૃહ છોડવાનો શું અર્થ છે? આત્મામાંથી અનંતાનુબંધી વગેરે ત્રણકષાય ચોકડીનો અભાવ થતાં સહજરૂપે ગૃહ છૂટે છે તથા ચાર કષાય ચોકડીનો અભાવ થયા બાદ સહજરૂપે દેહ છૂટે છે. જો કોઈને કાળ અથવા અશુભ ચોઘડીયામાં વૈરાગ્ય પ્રગટે તો શું ગૃહસ્થદશાનો ત્યાગ ન કરવો? જો તમે અશુભ ચોઘડીયામાં શુભ કામ કરતા નથી, તો શુભ ચોઘડીયામાં અશુભ કામ શા માટે કરો છો? જો અશુભ ચોઘડીયામાં વૈરાગ્ય પ્રગટ થાય તો તે ચોઘડીયુ પણ શુભ છે અને શુભ ચોઘડીયામાં વિકાર ઉત્પન્ન થાય તો તે ચોઘડીયુ પણ અશુભ છે. એ વાતને ક્યારેય ન ભૂલવી જોઈએ કે અમાસના દિને ભગવાન મહાવીરનો નિર્વાણ તથા ગૌતમસ્વામીને કેવળજ્ઞાન થયું હતું
દીક્ષાના પ્રસંગે દીક્ષા ગ્રહણ કરનારે ચમકદાર કપડાં અને મનમોહક દાગીના પહેરીને તેનો ત્યાગ કરવો, એ યોગ્ય નથી. તીર્થંકર પરમાત્માનો પણ દીક્ષા કલ્યાણક ઉજવવામાં આવે છે, પણ સ્વર્ગના દેવોને આમંત્રણ આપીને બોલાવવા પડતા નથી. જાનીની દ્રષ્ટિ પોતાના નિજસ્વભાવમાં સ્થિર હોય છે, દીક્ષા કલ્યાણકનો પ્રસંગ ઉજવવા ઉપર નહીં. જ્ઞાની વૈરાગ્યનું જોર વધતા સહજ તત્ક્ષણે સ્થિત સંયોગોને છોડીને વનપ્રયાણ કરે છે, પણ જનપ્રચાર કરતા નથી. નેમિકુમારે દીક્ષા ગ્રહણ કરવા માટે કહ્યું મૂહર્ત દેખ્યું હતું? એ તો સહજ વૈરાગ્ય આવતા સંસારમાર્ગથી મોક્ષમાર્ગ પર વળી ગયા.
