________________
(૧૦૮) પ્રવર્તાવવાની ભાવનાથી તેને બોલાવવા માટે પોતાના સેવકને તામ્રલિપ્તી નગરીમાં મોકલાવ્યો, તે માણસ તામ્રલિપ્ત. જઈને પાછો આવી રાજાને કહ્યું કે- “ત્યાં સિંહ નથી, તેમ જ ત્યાંથી ક્યાં નાશી ગયો છે ? તેના કોઈ પણ સમાચાર મળતા નથી, ” પછી રાજા પોતાનું રાજ્ય ન્યાયપૂર્વક પાલન કરી પ્રતિવર્ષે પોતાના કુટુંબ સહિત અનેક યાત્રા કરવા લાગ્યા. એ રીતે ચિરકાળ પર્યન્ત સુખ ભોગવ્યું. તેમની વૈર લેવાની અદ્ભુત રીત સાંભળીને અન્ય અભિમાની રાજાઓ પણ ત્રાસ પામીને તેમને નમી જતા હતા. અંત સમયે પોતાના જ્યેષ્ઠ પુત્રને રાજ્ય અર્પણ કરીને પુણ્યાનુબંધ પુણ્યોપાર્જન કરાવતા ધર્મકાર્યોમાં લક્ષ્મીનો પરમ સવ્યય કરીને શ્રી સમુદ્રપાળ રાજાએ વૈરાગ્યથી ગુરુમહારાજની તારક નિશ્રાએ ચારિત્ર ગ્રહણ કર્યું. સમતાથી એકવીસ દિવસનું અનશન કરીને સર્વાસિદ્ધ નામના વિમાનમાં અનુત્તર દેવ થયા. ત્યાંથી અવીને શુદ્ધ કુળમાં ઉત્પન્ન થયા. ત્યાં ચારિત્ર ગ્રહણ કરી અને સંયમની શુદ્ધ આચરણા કરતાં કેવળજ્ઞાન પામી મોક્ષસુખ પામ્યા.
તાપ્રલિપ્તી નગરીમાં “પોતાના સત્યવાદી ભાઈનો રાજાએ સત્કાર કરીને યાત્રા માટે અનુમતિ આપી તે વાત સાંભળીને સિંહને પોતાના અપરાધની શંકા થઈ, તેથી તે તરત જ સર્વ ધનાદિક લઈને પોતાના કુટુંબ સહિત વહાણમાં બેસીને સિંહલદ્વીપમાં ગયો. ત્યાં પણ રાજાની અવકૃપા થવાથી બીજી વસ્તુના અલાભે હાથીના દાંત લેવાની ઇચ્છાથી પોતે મહાઘોર અરણ્યમાં ગયો, ત્યાં શિકારીઓ, દ્વારા અનેક હાથીઓનો ઘાત કરાવ્યો. “પાપાનુબંધિ દ્રવ્યથી પાપ કરવામાં જ બુદ્ધિ થાય છે. પછી હાથીદાંતના ચાર વહાણ ભરીને પોતાના કુટુંબને ત્યાંજ રાખીને પોતે એકલો સમુદ્રમાર્ગે સુરાષ્ટ્ર દેશ જવા નીકળ્યો. આખા સમુદ્રને કુશળતાથી કરીને સુરાષ્ટ્રા નદીના સંગમ પાસે આવતાં તે ચારે વહાણો ભાંગી ગયાં. કેમ કે
