________________
पंचमो वक्खारो
५२६ यंति, पतणतणाइत्ता खिप्पामेव विज्जूयायंति, विज्जयाइत्ता भगवओ तित्थयरस्स जम्मणभवणस्स सव्वओ समंता जोयणपरिमंडलं जलयथलयभासुरप्पभूयस्स बेंटट्ठाइस्स दसद्धवण्णकुसुमस्स जपणुस्सेहपमाणमेत्ति ओहि वासं वासंति, वासित्ता कालागरु-पवरकंदुरुक्कतुरुक्क-धूव-मघमघेतगंधुद्धयाभिरामं सुगंधवरगंधगंधियं गंधवट्टिभूतं दिव्वं° सुरवराभिगमणजोग्गं करेंति, करेत्ता जेणेव भयवं तित्थयरे तित्थयरमाया य तेणेव उवागच्छंति, उवार्गोच्छत्ता' 'भगवओ तित्थयरस्स तित्थयरमायाए य अदूरसामंते आगायमाणीओ परिगायमाणीओ चिट्ठति ॥
८. तेणं कालेणं तेणं समएणं पुरथिमरुयगवत्थव्वाओ अट्ठ दिसाकुमारीमहत्तरियाओ सएहि-सएहि कूडेहि तहेव जाव' विहरंति, तं जहा.वृत्तं--
णंदुत्तरा य णंदा, आणंदा दिवद्धणा।
विजया य वेजयंती, जयंती अपराजिया ॥१॥ सेसं 'तं चेव" जाव तुभाहिण भाइयव्वंतिकट्ठ भगवओ तित्थय रस्स तित्थयरमायाए य पुरथिमेणं आदंसहत्थगयाओ आगायमाणीओ परिगायमाणीओ चिट्ठति ।। ___. तेणं कालेणं तेणं समएणं दाहिणरुयगवत्थव्वाओ अट्ठ दिसाकुमारीमहत्तरियाओ तहेव जाव विहरंति, तं जहा--- वृत्तं
समाहारा सुप्पइण्णा', सुप्पबुद्धा जसोहरा।
लच्छिमई सेसवई, चित्तगुत्ता वसुंधरा ॥१॥ तहेव जाव तुम्भाहि ण भाइयव्वंतिकटु भगवओ तित्थयरस्स तित्थयरमाऊए य दाहिणणं भिंगारहत्थगयाओ आगायमाणीओ परिगायमाणीओ चिट्ठति ॥
१०. तेणं कालेणं तेणं समएणं पच्चत्थिमरुयगवत्थव्वाओ अट्ट दिसाकुमारीमहत्तरियाओ सएहि-सएहिं जाव विहरंति, तं जहा--- वृत्तं
इलादेवी सुरादेवी, पुहवी पउमावई ।
एगणासा णवमिया 'भद्दा सीया" य अट्ठमा ॥१॥ तहेव जाव तुब्भाहिं ण भाइयव्वंतिक? भगवओ तित्थय रस्स तित्थयरमाऊए य पच्चत्थिमेणं तालियंटहत्थगयाओ आगायमाणीओ परिगायमाणीओ चिटठति ।।
११. तेणं कालेणं तेणं समएणं उत्तरिल्लरुयगवत्थव्वाओ जाव विहरंति, तं जहा
१. सं० पा०—उवागच्छित्ता जाव आगायमा-
णीओ। २. जं० ५।१। ३. तहेव (अ,क,त्रि,ब,पुद)। ४. जं० २२-५॥
५. तुम्हेहि (अ,ब); तुम्भेहि (क,ख,स, आवश्यक
चूणि पृष्ठ १३८)। ६. सुप्पदिण्णा (ब)। ७. सीता भद्दा (ठाणं ८/९७) । ८. तालयंत° (अ,ब); तालवंत (त्रि) ।
Jain Education International
For Private & Personal Use Only
www.jainelibrary.org
