________________
वियाहपण्णत्तिसुत्तं
[स० ८ उ०२ १४५. सुतनाणस्स णं भंते ! केवतिए विसए पण्णत्ते १ गोयमा ! से समासओ चतुविहे पण्णत्ते, तं जहा-व्वतो खेत्ततो कालतो भावतो। व्वतो णं सुतनाणी उवयुत्ते सव्वदव्वाइं जाणति पासति । एवं खेत्ततो वि, कालतो वि । भावतो णं सुयनाणी उवजुत्ते सव्वभावे जाणति पासंति ।
१४६. ओहिनाणस्स णं भंते ! केवतिए विसए पण्णत्ते १ गोयमा ! से समासओ चतुविहे पण्णत्ते, तं जहा-दबतो खेत्ततो कालतो भावतो। दव्वतो णं ओहिनाणी रूविदव्वाइं जाणति पासति जहा नंदीए जाव भावतो।।
१४७. मणपज्जवनाणस्स णं भंते ! केवतिए विसए पण्णत्ते १ गोयमा ! से समासओ चउव्विहे पण्णते, तं जहा-दव्यतो खेत्ततो कालतो भावतो। १० दव्वतो णं उज्जुमती अणंते अणंतपदेसिए जहा नंदीए जाव भावओ।
१४८. केवलनाणस्स णं भंते ! केवतिए विसए पण्णत्ते १ गोयमा ! से समासओ चतुबिहे पण्णत्ते, तं जहा—दव्वतो खेततो कालतो भावतो । व्वतो णं केवलनाणी सव्वदव्वाइं जाणति पासति । एवं जाव भावओ।
१४९. मइअन्नाणस्स णं भंते ! केवतिए विसए पन्नते १ गोयमा ! से समासतो चतुविहे पण्णत्ते, तं जहा—दव्वतो खेत्ततो कालओ भावतो। दव्वतो णं मइअन्नाणी मइअन्नाणपरिगताई दव्वाइं जाणति पासति । एवं जाव भावतो मइअन्नाणी मइअन्नाणपरिगते भावे जाणति पासति ।
१५०. सुतअन्नाणस्स णं भंते ! केवतिए विसए पण्णते ? गोयमा ! से समासतो चउविहे पण्णते, तं जहा—दव्वतो खेत्ततो कालतो भावतो। दव्वतो २० णं सुयअन्नाणी सुतअन्नाणपरिगयाइं दव्वाइं आघवेति पण्णवेति परूवेई। एवं खेत्ततो कालतो । भावतो णं सुयअन्नाणी सुतअन्नाणपरिगते भावे आघवेति तं चेव ।
१५१. विभंगणाणस्स णं भंते ! केवतिए विसए पण्णते १ गोयमा ! से समासतो चतुविहे पण्णत्ते, तं जहा-दव्वतो खेततो कालतो भावतो। दव्वतो णं १. “पश्यति च श्रुतानुवर्तिना मानसेन अचक्षुर्दर्शनेन। ...वृद्धैः पुनः ‘पश्यति' इत्यत्र इदमुक्तम्ननु पश्यति इति कथम् ? कथं च न, सकलगोचरदर्शनायोगात् । अत्र उच्यते, प्रज्ञापनायाम् (महावीरवि० प्र० पृ. ४१०-त्रिंशत्तमं पदम्) श्रुतज्ञानपश्यत्तायाः प्रतिपादितत्त्वात् अनुत्तरविमानादीनां च आलेख्यकरणात्" इत्यादि अवृ० ॥ २. “वाचनान्तरे पुनः इदमधिकमवलोक्यते-दंसेति, निदंसेति, उवदंसेति त्ति" अवृ०॥
Jain Education International
For Private & Personal Use Only
www.jainelibrary.org
