________________
ચાતુર્માસ સાવરકુંડલામાં નક્કી થયું તેની પાછળ કલ્પનાઓ પડેલ છે. સૌરાષ્ટ્રમાં આવ્યો ત્યારે બે પ્રશ્નો હતા. ભૂમિદાન અને ગ્રામસંગઠન. તમને લાગશે કે અહીં કુંડલામાં ગ્રામસંગઠન શું ? મને લાગ્યું છે કે કસ્બાએ કડી બનવું જ પડશે, ગામડા એ આપણો પ્રાણ છે. મધ્યબિંદુ છે, ભૂમિદાન સુરાજય લાવવા માટે ઉપયોગી પણ છે. ગુજરાતમાં સૌથી પહેલી પહેલ હરિવલ્લભ પરીખે કરી. ૧૫૦૦ એકર મેળવીને.
સાવરકુંડલામાં પહેલું ગામ દશા આવ્યું. કાર્યકરોએ ૧૨૫૦ વીઘા જમીનના સંકલ્પો મેળવી રાખ્યા હતા. ગીગાસન ગામે હરીફાઈ શરૂ કરી છે. કહે છે કુંડલામાં સૌથી પહેલા અમે આવીએ ૪૦૦૦ વીઘા કરી રાખી છે. જ્યારે આંબરડી અમૂલખભાઈનું ગામ એ કેમ પાછળ રહે ? મને આનંદ થાય છે કે, આમ કેમ બનતું હશે ? ઈશ્વરનો આ સાદ છે. વિનોબાજી કહે છે, ઈશ્વર મને આ સૂઝાડે છે.
આજે તો સૌરાષ્ટ્રમાં હરીફાઈમાં ચડ્યું હોય તો કુંડલા છે. ઝાલાવાડમાં એક ગામમાં ૧૧૦૦ વીઘા મળ્યું. પણ ગીગાસન નાનું ગામ તેણે ઘણું કર્યું કહેવાય.
કુંડલા ચાતુર્માસ અમારા પ્રવાસનું અહીં સુધીનું ભૂદાન ૭૫૩૯ વીઘાં થયું.
ચાતુર્માસમાં રોજ સવાર સાંજની પ્રાર્થના અને પ્રવચન રહેતાં. દિવસે જરૂરી સભા, ચર્ચા, વાર્તાલાપ અને પ્રવચન રહેતું. લોકો સારી સંખ્યામાં આવી લાભ લેતા હતા.
આજે શ્રાવણી પૂર્ણિમાં છે. પૂ. સંતબાલજીનો ૫૦મો જન્મ દિવસ છે. એ પ્રસંગ ઉપર બોલતાં તેઓશ્રીએ જણાવ્યું કે,
માણસની જયંતી શા માટે ઉજવવી જોઈએ ? આ જગત નટનાગરની બાજી છે. એક પછી એક આવે છે ને જાય છે. માટીમાંથી વાસણ બને છે અને પાછું માટીમાં લય પામે છે. માણસ જન્મે છે અને ચાલી જાય છે. છતાં મુસાફરી તો ચાલુ હોય છે. સવાલ બીજો હોય છે હર્ષ હોય છે. એટલે માણસનું જીવન માત્ર માણસરૂપે નથી અનેક કાર્યો કરતો કરતો તે ચાલ્યો જાય છે. એવો માણસ જન્મે અને તેની વર્ષગાંઠ ઉજવાય ત્યારે વામન જેવું લાગે છે. જગતમાં અનેક પ્રાણીઓ છે. માણસ જરા વધારે ૧૮૨
સાધુતાની પગદંડી
