Pragnapana Sutra Part 01

Author(s): Munichandrasuri, Jayanandvijay
Publisher: Guru Ramchandra Prakashan Samiti

Page 503

श्री प्रज्ञापना सूत्र भाग १ तेरसमं परिणामपयं भवणवासीण-एगिंदियाणं-विंगलिदियाण- पंचिंदियतिरियाणं मणुस्साणं- देवाणं परिणामा वि सुयणाणी. वि ओहिणाणी वि, अण्णाणपरिणामेणं मइअण्णाणी वि सुयअण्णाणी वि विभंगणाणी वि, 'दंसणपरिणामेणं सम्मदिट्ठी वि मिच्छदिट्ठी वि सम्मामिच्छदिट्ठी वि, चरित्तपरिणामेणं नो चरित्ती, नो चरित्ताचरित्ती, अचरित्ती, वेदपरिणामेणं नो इत्थीवेदगा, नो पुरिसवेदगा, नपुंसगवेदगा ।
॥ भवणवासीणं परिणामा ||
असुरकुमारा वि एवं चेव, णवरं देवगतिया, कण्हलेस्सा वि जाव तेउलेस्सा वि, वेदपरिणामेणं इत्थवेदगा वि, पुरिसवेदगा वि, नो नपुंसगवेदगा, सेसं तं चेव । एवं जाव थणियकुमारा ।
|| एगिंदियाणं परिणामा ||
पुढविकाइया गतिपरिणामेणं तिरियगतिया, इंदियपरिणामेणं एगिंदिया, सेसं जहा नेरइयाणं, नवरं लेस्सापरिणामेणं तेउलेस्सा वि, जोगपरिणामेणं कायजोगी, णाणपरिणामो णत्थि, अण्णाणपरिणामेणं मतिअण्णाणी वि, सुयअण्णाणी वि, दंसणपरिणामेणं मिच्छदिट्ठी, सेसं तं चेव । एवं आउ-वणस्सइकाइया वि । तेऊ वाऊ एवं चेव, वरं लेस्सापरिणामेणं जहा नेरइया ।
|| विंगलिंदियाण परिणामा ||
बेइंदिया गतिपरिणामेणं तिरियगतिया, इंदियपरिणामेणं बेइंदिया, सेसं जहा नेरइयाणं । णवरं जोगपरिणामेणं वयजोगी वि, कायजोगी वि, णाणपरिणामेणं आभिणिबोहियणाणी वि, सुअणाणी वि, अण्णाणपरिणामेणं मइअण्णाणी वि, सुयअण्णाणी वि, नो विभंगणाणी, दंसणपरिणामेणं सम्मदिट्ठी वि, मिच्छदिट्ठी वि, नो सम्मामिच्छदिट्ठी, सेसं तं चैव । एवं जाव चउरिंदिया, णवरं इंदियपरिवुड्डी कायव्वा।
|| पंचिंदियतिरियाणं परिणामा ||
पंचिंदियतिरिक्खजोणिया गतिपरिणामेणं तिरियगतिया । सेसं जहा नेरइयाणं, णवरं लेस्सापरिणामेणं जाव सुक्कलेसा वि । चरित्तपरिणामेणं नो चरित्ती, अचरित्ती वि, चरिताचरित्ती वि, वेदपरिणामेणं इत्थिवेदगा वि, पुरिसवेदगा वि, नपुंसगवेदगा वि ।
॥ मणुरसाणं परिणामा || मागतपरिणामे मणुस्सगतिया, इंदियपरिणामेणं पंचिंदिया, अणिंदिया वि, कसायपरिणामेणं कोहकसाई वि जाव अकसाई वि, लेस्सापरिणामेणं कण्हलेसा वि जाव अलेस्सा वि, जोगपरिणामेणं मणजोगी वि जाव अजोगी वि, उवओगपरिणामेणं जहा नेरइया, णाणपरिणामेण आभिणिबोहियणाणी वि जाव केवलणाणी वि, अण्णाणपरिणामेणं तिण्णि वि अण्णाणा, दंसणपरिणामेणं तिण्णि वि दंसणा, चरित्तपरिणामेणं चरित्ती वि अचरित्ती वि चरिताचरित्ती वि, वेदपरिणामेणं इत्थीवेयगा वि पुरिसवेदगा वि नपुंसगवेयगा वि अवेयगा वि || देवाणं परिणामा ||
वाणमंतरा गतिपरिणामेणं देवगतिया, जहा असुरकुमारा एवं जोइसिया वि, नवरं लेस्सापरिणामेण तेउलेस्सा। वेमाणिया वि एवं चेव, नवरं लेस्सापरिणामेणं तेउलेस्सा वि पम्हलेस्सा वि सुक्कलेस्सा वि, से तं जीवपरिणामे ।।सू०-३।।४१६।।
१. णामेणं चक्खुदंसणी वि अचक्खुदंसणी वि ओहिदंसणी वि दिट्ठिपरिणामेणं सम्मदिट्ठि पाठान्तर (म.वि.टी.)
426