Book Title: Padarth Prakash 23 Pravachan Saroddhar Part 01
Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust
View full book text
________________ 247 દ્વાર ૬૯મું - પરિહારવિશુદ્ધિકલ્પ કરનારા તપ કરે અને વાચનાચાર્ય વાચના આપે. આ પ્રમાણે બીજા 6 મહિના કરે. (6) આમ 12 મહિના થયા પછી વાચનાચાર્ય તપ કરે અને બાકીના ૮માંથી એક વાચનાચાર્ય થાય, બાકીના 7 સેવા કરે. આ પ્રમાણે ત્રીજા 6 મહિના કરે. (7) આમ 18 મહિને આ કલ્પ પૂરો થાય. (8) આ કલ્પ પૂરો થયા પછી ફરીથી આ કલ્પ સ્વીકારે, અથવા જિનકલ્પ સ્વીકારે, અથવા ગચ્છમાં પ્રવેશ કરે. (9) આ કલ્પ કરનારા બે પ્રકારના છે - (1) ઇવર - આ કલ્પ પૂરો થયા પછી ફરી આ કલ્પને સ્વીકારે કે ગચ્છમાં પ્રવેશ કરે છે. તેમને કલ્પના પ્રભાવથી દેવ-મનુષ્ય-તિર્યંચ સંબંધી ઉપસર્ગો, તરત મારનારા આતંકો અને અતિભયંકર પીડાઓ આવતી નથી. (2) યાવન્કથિક - આ કલ્પ પૂરો થયા પછી જિનકલ્પ સ્વીકારે છે. તેમને ઉપસર્ગો, આતંકો અને પીડાઓ આવે છે. (10) આ કલ્પ તીર્થંકર પાસે સ્વીકારાય છે અથવા જેમણે તીર્થંકર પાસે આ કલ્પ સ્વીકાર્યો હોય તેમની પાસે સ્વીકારાય છે. (11) પરિહારવિશુદ્ધિ કલ્પની ક્ષેત્ર વગેરે દ્વારોથી વિચારણા - (1) ક્ષેત્ર - અહીં બે રીતે વિચારણા થાય છે - (i) જન્મથી - જ્યાં જન્મ થયો હોય તે ક્ષેત્રની અપેક્ષાએ. (i) સભાવથી - જ્યાં આ કલ્પ સ્વીકારે તે ક્ષેત્રની અપેક્ષાએ. જન્મથી અને સભાવથી આ કલ્પ પાંચ ભરતક્ષેત્રોમાં અને પાંચ ઐરવતક્ષેત્રોમાં હોય છે. મહાવિદેહક્ષેત્રમાં આ કલ્પ હોતો નથી. આ કલ્પ સ્વીકારનારનું સંહરણ થતું નથી.
