Nirayavalika Sutra

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 102

ਪਹਿਲਾ ਅਧਿਐਨ
ਆਰੀਆ ਜੰਬੂ ਸਵਾਮੀ ਅਪਣੇ ਗੁਰੂ ਸ਼੍ਰੀ ਸੁਧਰਮਾ ਸਵਾਮੀ ਤੋਂ ਪੁੱਛਦੇ ਹਨ, “ਹੇ ਭਗਵਾਨ! ਜੇ ਮੁਕਤੀ ਨੂੰ ਪ੍ਰਾਪਤ ਭਗਵਾਨ ਮਹਾਵੀਰ ਨੇ ਪੁਸਪਿਕਾ ਉਪਾਂਗਾ ਦਾ ਇਸ ਪ੍ਰਕਾਰ ਵਰਨਣ ਕੀਤਾ ਹੈ ਤਾਂ ਚੋਥੇ ਉਪਾਂਗ ਪੁਸ਼ਪਚੂਲਿਕਾ ਦਾ ਕਿ ਅਰਥ ਫਰਮਾਇਆ ਹੈ, ਇਹ ਦੱਸਣ ਦੀ ਕ੍ਰਿਪਾਲਤਾ ਕਰੋ?”
ਆਰੀਆ ਸੁਧਰਮਾ ਸਵਾਮੀ ਆਖਦੇ ਹਨ, “ਹੇ ਜੰਬੂ ! ਮੁਕਤੀ ਨੂੰ ਪ੍ਰਾਪਤ ਹੋਏ ਸ਼੍ਰੋਮਣ ਭਗਵਾਨ ਮਹਾਵੀਰ ਨੇ ਪੁਸ਼ਪਚੁਲਿਕਾ ਨਾਂ ਦੇ ਉਪਾਂਗ ਦੇ 10 ਅਧਿਐਨ ਫਰਮਾਏ ਹਨ। ਇਨ੍ਹਾਂ ਦੇ ਨਾਂ ਇਸ ਪ੍ਰਕਾਰ ਹਨ:
1. ਸ਼੍ਰੀ ਦੇਵੀ 2. ਹਰੀਗ ਦੇਵੀ 3. ਸ੍ਰੀ ਦੇਵੀ 4. ਕੀਰਤੀ ਦੇਵੀ 5. ਬੁੱਧੀ ਦੇਵੀ 6. ਲਕਸਮੀ ਦੇਵੀ 7. ਇਲਾ ਦੇਵੀ 8. ਸੂਰਾ ਦੇਵੀ 9. ਰਸ ਦੇਵੀ 10. ਗੰਧ ਦੇਵੀ।
ਆਰੀਆ ਜੰਬੂ ਸਵਾਮੀ ਨੇ ਫੇਰ ਪ੍ਰਸ਼ਨ ਕੀਤਾ, ਜੇ ਮੁਕਤੀ ਨੂੰ ਪ੍ਰਾਪਤ ਸ਼੍ਰੋਮਣ ਭਗਵਾਨ ਮਹਾਵੀਰ ਇਸ ਸ਼ਾਸਤਰ ਦੇ 10 ਅਧਿਐਨ ਫਰਮਾਏ ਹਨ ਤਾਂ ਪਹਿਲੇ ਅਧਿਐਨ ਦਾ ਕਿ ਅਰਥ ਫਰਮਾਇਆ ਹੈ?
ਸ਼੍ਰੀ ਸੁਧਰਮਾ ਸਵਾਮੀ ਫਰਮਾਉਂਦੇ ਹਨ, “ਹੇ ਜੰਬੂ! ਉਸ ਕਾਲ, ਉਸ ਸਮੇਂ ਵਿੱਚ ਰਾਜਗ੍ਰਹਿ ਨਾਂ ਦਾ ਨਗਰ ਸੀ। ਗੁਣਸ਼ੀਲ ਨਾਂ ਦਾ ਚੇਤਯ ਸੀ। ਰਾਜਾ ਸ਼੍ਰੇਣਿਕ ਰਾਜ ਕਰਦਾ ਸੀ।
ਇੱਕ ਵਾਰ ਉਸ ਨਗਰ ਵਿਚ ਨਿਰਗ੍ਰੰਥ ਸ਼ਮਣ ਭਗਵਾਨ ਮਹਾਵੀਰ ਪਧਾਰੇ, ਧਰਮ ਪਰਿਸ਼ਧ ਜੁੜੀ। ਉਪਦੇਸ਼ ਸੁਣਨ ਲਈ ਨਾਗਰਿਕਾਂ ਦੀਆਂ ਟੋਲੀਆਂ ਆਇਆਂ।
- 96 -