Book Title: Karmgranth Vivechan
Author(s): Devendrasuri, Bhagwandas Harakhchand
Publisher: Bhogilal Jivraj
View full book text
________________
३६१
अणचउवीसविरहिआ सनरदुगुच्चा य सयरि मीसदुगे । सतरसओ ओहि मिच्छे,पजतिरिआ विणु जिणाहार ॥ ८ ॥ विणु निरयसोल सासणि, सुराउ अणएगतीस विणु मीसे । ससुराउ सयरि सम्मे, बीअकसाए विणा देसे ॥ ९ ॥ इअ चउगुणेसु वि नरा, परमजया सजिण ओहु देसाई । जिणइक्कारसहीणं नवसय अपज्जत्ततिरिअनरा ॥ १० ॥ निरयव्व सुरा नवरं, ओहे मिच्छे इगिंदितिगसहिआ । कप्पदुगे वि अ एव, जिणहीणा जोइभवणवणे ॥ ११॥ रयणु व्व सणंकुमाराइ आणयाइ उज्जोअचउरहिआ । अपज्जतिरिअव्व नवसयमिगिदिपुढविजलतरुविगले ॥ ॥१२॥ छनवइ सासणि विणु सुहुमतेर केइ पुण बिंति चउनवई । तिरिअनराऊहिं विणा, तणुपज्जत्तिं न जति जओ ।। १३ ॥
ओहु पणि दितसे गइतसे जिणिक्कारनरतिगुच्च विणा । मणवयजोगे ओहो, उरले नरभ'गु तम्मिस्से ।। १४ ॥ आहारछग विणोहे, चउदससउ मिच्छि जिणपणगहीणं । सासणि च उनवइ विणा, तिरिअनराऊ सुहुमतेर ॥ १५ ॥ अणचउवीसाइ विणा, जिणपणजुअ सम्मि जोगिणा सायं । विणु तिरिनराउ कम्मे, वि एवमाहारदुगि ओहो ॥१६॥ सुरओहो वेउव्वे, तिरिअनराउरहिओ अ तम्मिस्से । वेअतिगाइमबिअतिअकसाय नव दु चउ पंचगुणा ॥ १७ ॥ संजलणतिगे नव दस, लोहे चउ अजइदुतिअनाणतिगे । बारस अचक्खुचक्खुसु, पढमा अहखाय चरमचऊ ॥ १८॥
Page Navigation
1 ... 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454