________________
હોવાથી વગર સહી-સિક્કે એમને ત્યાં લોકો પોતાનો પૈસો ગીરવે મૂકી જતા !
તારાઓને કદી ગ્રહણ નડતું નથી, ગ્રહણ તો સૂર્યચન્દ્રને નડે છે ! મોટાઓની મોટાઈ પર જ દુર્જનોની આંખ વાંકી હોય છે ! સવચંદ શેઠની જામતી જતી ઇમાન ને ઈજજત જોઈને એક વેપારીને ઈર્ષા આવી અને એણે એક ગરાસદારની કાન ભંભેરણી કરવા માંડી :
સવચંદ શેઠનો વેપાર હમણાં હમણાં ખોટમાં ચાલે છે હોં ! અને પરદેશની સફરે ગયેલાં વહાણોની વીતક પણ સારી નથી ! માટે તમારા પૈસા દૂધે ધોઈને મળવા-મેળવવાની તમે ઘેલછા ન રાખતાં. આ તો ખાનગી સમાચાર મળ્યાં છે અને તમારા જેવા મિત્રને નુકશાનીમાંથી ઉગારી લેવાની મારી ફરજ છે.”
પહેલાં ગુંજન કરીને પછી ડંખ મારવાની મચ્છર-વૃત્તિથી વેપારીએ ગરાસદારને કહ્યું.
ગરાસદાર તો સવચંદ શેઠને નેકી ને નીતિનો અવતાર લેખતો હતો, અને વિશ્વાસ હતો કે, શેઠને ત્યાં મૂકેલી દોલત કદીય ખોટી ન થાય, અડધી રાતે માંગો તોય દુધમાં ધોઈને એ દોલત મળે ! પણ વેપારીની વાતોએ એના વિશ્વાસ પર જબ્બર ફટકો લગાવવાનું કામ કર્યું ને એ દ્વિધામાં ફસાયો.
વેપારીને તો આટલું જ ખપતું હતું. શેઠની ઇજ્જતની ઈમારતમાંથી આમ ઇંટો ખેરવવાની જ એની ખેવના હતી. એણે ગરાસદારને અશ્રદ્ધા ને અવિશ્વાસની આંધી વચ્ચે સપડાવી દીધો.
ગરાસદારે શેઠને ત્યાં મોટી રકમ મૂકી હતી. એ ગભરાયો ને સીધો જ એ શેઠની પેઢીએ જઈ ઉભો, એણે કહ્યું :
? * જૈનશાસનના જ્યોતિર્ધરો ભાગ-૩
