Book Title: Jain Ramayan Part 05
Author(s): Ramchandrasuri, Shreyansprabhsuri
Publisher: Smrutimandir Prakashan

View full book text
Previous | Next

Page 316
________________ ૨૯૮ આર્યદેશના ઉત્તમ કુલાચારો આજે પૂર્વવત્ વિદ્યમાન હોત, તો આજે મજુરવાદ અને મુડીવાદ જેવા વાદો તથા તેનાં સંઘર્ષણો ઉત્પન્ન થાત? નહિ જ, પણ ઉત્તમ કુલાચારોનેય કુરુઢિઓ કહી એના નાશમાં આજે તો સુધારાની કૂચ મનાય છે ! જૈનકુળમાં જન્મેલાઓ પણ આનાથી બચ્યા નથી અને એથી જ જૈનસંઘોમાં આજે જ્યાં ને ત્યાં વિષમ વાતાવરણ પ્રસરતું જાય છે ! Trees 200e}}})}G પૂર્વનો કથાસંબંધ શ્રી ભરતજી, રામપત્ની સીતાજીને માતૃવપૂજ્ય માનતા હતા. લક્ષ્મણપત્ની વિશલ્યાને પણ એ જ દૃષ્ટિએ જોતા હતા. સીતાજીએ જલક્રીડાનો વિનોદ કરવાની પ્રાર્થના કરી. તેમના અતિ આગ્રહથી શ્રી ભરતજી પણ અંત:પુર સહિત જલક્રીડા કરવા ગયા. એક મુહૂર્તપર્યન્ત, વિરક્તભાવે, જલક્રીડા કરીને શ્રી ભરતજી સરોવર કાંઠે આવી ઉભા. એટલામાં મદોન્મત્ત બનીને સ્તંભ ઉખેડી આયુધશાળામાંથી ભાગેલો અને ઉપદ્રવ મચાવતો ભુવનાલંકાર નામનો હાથી ત્યાં આવી પહોંચ્યો. શ્રી ભરતજીને જોતાં જ, મંત્રબળના યોગે જ હોય તેમ, તે હાથીનો મદ ગળી ગયો. શ્રીરામચન્દ્રજી વિગેરે તે હાથીને પકડવા પાછળ આવ્યા. તેમને આ જોઈને આશ્ચર્ય થયું. શ્રી રામચન્દ્રજીએ મદરહિત બનેલા તે હાથીને આયુધશાળામાં લઈ જવાની મહાવતોને આજ્ઞા કરી અને મહાવતો લઈ પણ ગયા. એટલામાં શ્રી દેશભૂષણ અને શ્રી કુલભૂષણ નામના કેવળજ્ઞાની મહાત્માઓ ત્યાં પધાર્યા. આ બે મહાત્માઓના ઉદ્યાનમાં સમવસર્યાના શુભ સમાચાર સાંભળતાંની સાથે જ, શ્રી રામચન્દ્રજી, શ્રી લક્ષ્મણજી અને શ્રી ભરતજી આદિના પરિવાર સહિત તે મહામુનિઓને વંદન કરવાને માટે ગયા. વંદન કર્યા બાદ શ્રી રામચન્દ્રજીએ સૌથી પહેલું એ જ પૂછ્યું ‘હે મહાત્મન્ ! મારો ભુવનાલંકાર હાથી ભરતને જોતાં જ મદરહિત કેમ થઈ ગયો ? આ પ્રશ્નના ઉત્તરમાં, કેવળજ્ઞાની શ્રી દેશભૂષણ મુનિવરે શ્રી ભરતજીનો અને ભુવનાલંકાર હાથીનો પૂર્વભવોનો સંબંધ વર્ણવવા

Loading...

Page Navigation
1 ... 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346