________________ 162 જૈન ઇતિહાસની ઝલકો [269] અકબરની ક્રૂરતાના પ્રસંગો શી રીતે આવા ક્રૂર અને અતિ ઘાતકી અકબરને જગદ્ગુરુ હીરસૂરિજી મહારાજાએ સાવ અહિંસક બનાવી દીધો હશે ? કેવું હશે એમનું ચારિત્રબળ? આ બોલે છે આંકડા, અકબરની ક્રૂરતાના ! (1) ચિતોડનો કિલ્લો સર કરતી વખતે અકબરે લાખો સ્ત્રીપુરુષોને અને પશુઓ સુધ્ધાંને કાપી નાંખ્યાં હતાં. તે વખતે 74 મણ તો જનોઈનો ઢગલો થયો હતો. (2) લાહોર નજીકના જંગલમાં એક લાખ પશુઓને ભેગાં કરીને તેમની નિર્દય કતલ કરાવી હતી. (3) ૧૬૨૦ની સાલમાં ગોંડવાણાની રાણી દુર્ગાવતી સાથેની લડાઈમાં તેણે બેહદ ક્રૂરતા આચરી હતી. (4) રણથંભોર, કલિજર, બિહાર, બંગાળને જીતવામાં તેણે લાખો માનવોનો સંહાર કર્યો હતો. (5) શિકાર કરવા માટેના રસાલા તરીકે તેની પાસે પાંચ હજાર પાડા, વીસ હજાર કૂતરાં, વીસ હજાર વાઘરી, પાંચ સો ચિત્તા, આઠસો રખાતો અને હજારો બાજ અને શકરા પક્ષીઓ હતાં. [20] ચાંગો અને ઉદયન મંત્રી એક વાર પૂ. દેવચંદ્રસૂરિજી મહારાજા ધંધુકામાં બિરાજમાન હતા. તેમની નજર એક બાળક ઉપર ઠરી ગઈ હતી. તેનું નામ ચાંગદેવ હતું. તેના પિતા મોઢ વણિક હતા. નામે ચાંચિંગ અને માતા જૈન, નામે પાહિની. જ્યારે સૂરિજીને ખંભાત તરફ વિહાર કરવાનો સમય થયો ત્યારે ચાચિંગ તેના ઘેર ન હતો. પાહિનીની સંમતિ લઈને સૂરિજીએ ચાંગાને વિહારમાં સાથે લીધા. ખંભાતમાં ચાંગો ઉદયન મંત્રીને ત્યાં જ રમતો, જમતો અને ગુરુદેવ પાસે અધ્યયન કરતો. - જ્યારે ચાચિંગ ઘરે આવ્યો ત્યારે ચાંગાને જૈન ગુર સાથે મોકલવા બદલ પાહિનીને ખૂબ ઠપકો આપ્યો. અને ચાંગો ખૂબ વહાલો હતો. એના વિના એ ઝૂરવવા લાગ્યો. એક દિવસ તે ખંભાત તરફ નીકળી ગયો. જ્યારે તે ખંભાત પહોંચ્યો ત્યારે સીધો સૂરિજી પાસે ગયો અને ચાંગો પોતાને સોંપી દેવા જણાવ્યું. ભારે ઠંડકથી સૂરિજીએ કહ્યું, “ચાંગો અત્યારે ઉદયન મંત્રીને ઘેર જમવા માટે ગયો છે. તમારે પણ ભોજનાદિ કરવાનાં હશે તો મંત્રીશ્વરને ત્યાં જ તમારું પિતા-પુત્રનું મિલન થાઓ.”
