Jain Adarsh Prasango Part 01

Author(s): Bhadreshwarvijay
Publisher: Bhadreshwarvijay

Page 7

ધર્મ વાંચનના ફાયદા હે ધર્મ આરાધક જૈનો ! આપ ઉત્તમ છો. તેથી જ આવા હડહડતા વિલાસી વાતાવરણમાં પણ પ્રભુની ભક્તિ વગેરે ઘણો ધર્મ આરાધી રહ્યાં છો. ખરેખર આપણે આત્મકલ્યાણ કરવું જ હોય તો નીચેની આપણા આત્મ કલ્યાણની વાત વાંચી, વિચારી, યથાશક્તિ જીવનમાં આચરવી જ જોઈએ.
શ્રાવકોના જીવનમાં આજે પૂજા, દર્શન, તપ, દાન વગેરે ઘણા બધા ધર્મો કેટલાંક આરાધકો રોજ અને પર્વદિને કરે છે, પરંતુ અતિ મહત્ત્વનો જ્ઞાન ધર્મ લગભગ બધા જ ભક્તજનો કરતા નથી. ખરેખર તો શાત્રે, શ્રાવકોથી અનેકગણો ધર્મ આરાધતા સાધુનું નિત્ય કર્તવ્ય ફરમાવ્યું છે કે રોજ દરેક સાધુએ ૧૫ કલાક શાસ્ત્ર અભ્યાસ કરવો જ જોઈએ !
આ નવી આવશ્યક હકીક્ત જાણ્યા પછી વાંચનપ્રેમી તમને થવું જોઈએ કે જ્ઞાન-આરાધના શી કરવી ? તેનો જવાબ : સૂત્ર, સ્તવન, સ્તુતિ વગેરે ગોખવા, તત્ત્વ અભ્યાસ કરવો, ધર્મવૃદ્ધિકર વાંચન કરવું, મોક્ષમાર્ગનું જ્ઞાન મેળવવું વગેરે જ્ઞાન સાધના છે.
જો તમને પુસ્તક વાંચન ગમે છે તો હવે તમારે સંકલ્પ કરવો કે પ્રભુકૃપાથી આવો ખૂબ હિતકર ધર્મ જો હું કરું જ છું તો હવે વાંચન ધર્મની માટે સાધના કરવી જ છે. એ સાધના ત્યારે ગણાય કે જો તમે વાંચન આરાધના નીચે પ્રમાણે કરો :
વાંચન આત્મહિતકર જ કરવું. એકાગ્રતાથી કરવું. સમય કાઢીને પણ કરવું જ. બીજી નિરર્થક પ્રવૃત્તિઓ બંધ કરી વાંચન વધારવું. શાંતિથી, વિચારપૂર્વક મમળાવવું. સારું, ગમે તે સમજપૂર્વક, વારંવાર વાંચી શુભ ભાવ વધારવો. જે વાતો ખૂબ હિતકર લાગે તે પુસ્તક, તેટલા વાક્યો, ફકરાં ૨, ૪, ૧૦ વાર શાંતિથી વાંચવા, લખવા, રોજ વિચારવા, વાગોળવા. જૈન આદર્શ પ્રસંગો-૧ ીિઝ [૭]