Dravya Sangraha

Author(s): Niranjana Vora
Publisher: Antararashtriya Jain Vidya Adhyayan Kendra

Page 65

दसणपुव्वं गाणं छदुमत्थाणं ण दोण्णि उवओगा। जुगवं जम्हा केवलि-णाहे जुगवं तु ते दो वि ।। ४४ ॥ असुदाहो विणिवित्ती सुहे पवित्ती य जाण चारित्तं । बदसमिदिगुत्तिरूवं ववहारणया दु जिणभणियं ।। ४५ ॥ बहिरम्भंतर किरियारोहो भवकारणप्पणासढं। . गाणिस्स जं जिणुत्तं तं परमं सम्मचारित्तं ।। ४६ ।। दुविहं पि मोक्खहेउं झाणे पाउणदि जं मुणी णियमा। . ... तम्हा पयत्तचित्ता जूयं झाणं समन्भसह ।। ४७ ।। मा मुज्झह मा रज्जह मा दूसह इणिट्ठअढेसु। ... थिरमिच्छह जइ चित्तं विचित्तझाणप्पसिद्धीए ॥ ४८ ॥ पणतीससोलछप्पणचदुदुगमेगं च जवह झाएह। परमेट्ठिवाचयाणं अण्णं च गुरूवएसेण ।। ४९ ।। णट्ठचघाइकम्मो दंसण-सुह-णाण-वीरिय-मइओ। सुहदेहत्थो अप्पा सुद्धो अरिहो विचिंतिज्जो ॥ ५० ॥ णट्ठट्ठकम्मदेहो लोयालोयस्स जाणंओ दट्ठा । पुरिसायारो अप्पा सिद्धो झाएह लोय-सिहरत्थो ।। ५१ ।। दंसण-णाण-पहाणे वीरियचारित्तवरतवायारे । अप्पं परं च जुंजइ सो आइरिओ मुणी झेओ ।। ५२ ॥ जो स्यणत्तयजुत्तो णिच्चं धम्मोवएसणे णिरदो। .. सो उवज्झाओ अप्पा जदिवरवसहो णमो तस्स ॥ ५३ ।। दसण-णाण-समग्गं मग्गं मोक्खस्स जो हु चारित्तं । साधयदि णिच्चसुद्धं साहू स मुणी णमो तस्स ।। ५४ ॥ जं किं चि वि चिंतंतो णिरीहवित्ती हवे जदा साहू। .... लद्धण य एयत्तं तदाहु तं तस्स णिच्छयं झाणं ।। ५५ ॥ मा चिट्ठह मा जंपह मा चिंतह किंचि जेण होइ थिरो। अप्पा अप्पम्मि रओ इणमेव परं हवे झाणं ।। ५६ ।। . तव सुदं वदवं चेदा झाण रह धुरंधरो हवे जम्हा। तम्हा तत्तिय गिरदा तल्लद्धीए सदा होह ।। ५७ ॥ दव्वसगहमिणं मुणिणाहा दोस-संचय-चुदा सुद-पुण्णा। सोधयंतु तणु-सुत्त-धरेण णेमिचंदमुणिणा भणियं जं ॥ ५८ ।।
.