Dirgh Tapasvi Mahavir

Author(s): Sukhlal Sanghvi
Publisher: Shantilal Vanmali Sheth

Page 3

નિવેદન મહાવીરજયન્તીના આ શુભ દિવસે ભગવાન મહાવીરનું સંક્ષિપ્ત અને પ્રામાણિક આ જીવનચરિત “દીર્ધતપસ્વી મહાવીર'ના નામે જનસમાજ સમક્ષ મૂકવામાં આવે છે.
ભગવાન મહાવીરનાં જીવનચરિતો જે થોડાંક પ્રકાશિત થયાં છે તે પ્રકાશમાં જનસાધારણની સર્વગ્રાહ્યતા માટે લેવાં જોઇતાં પ્રામાણિકતા અને સંક્ષિપ્તતા એ બને આવશ્યક તત્ત્વોના અભાવ વિશેષતઃ જોવામાં આવે છે. આ અભાવની પૂર્તિ પ્રસ્તુત પુસ્તક દ્વારા થોડીઘણી અવશ્ય થશે એ વિશ્વાસ સાથે ભગવાન મહાવીરનાં જીવનચરિતમાં આ એક જીવનચરિતને પણ ઉમેરે કરવામાં આવે છે.
પૂ. પંડિતશ્રીએ દોરેલાં ભગવાન મહાવીરના સમગ્ર જીવનના સંક્ષિપ્ત અને પ્રામાણિક રેખાચિત્રથી પુસ્તકની સંક્ષપ્તિતા અને પ્રામાણિકતાને ખ્યાલ વાચકને આવ્યા વિના નહિ જ રહે.
ભગવાન મહાવીરના આ સંક્ષિપ્ત રેખાચિત્રને વિશેષ સ્પષ્ટ કરવા માટે ઐતિહાસિક દષ્ટિએ લખેલાં ટિપ્પણો તૈયાર હેવા છતાં કેટલાંક કારણસર આ સાથે છપાવ્યાં નથી. પણ તે યથાસમયે પ્રસિદ્ધ થઈ જશે.
પૂ. પંડિતશ્રીએ અનુવાદ જઈને આમુખ લખી આપી મને ઉપકત કર્યો છે તે બદલ તેમને તથા ભાઈ દલસુખભાઈ તથા ખુશાલભાઈએ પ્રસ્તુત પુસ્તક તૈયાર કરવામાં જે સક્રિય સહકાર આપ્યો છે તે બદલ તેમનો આભાર માનવાની આ તક લઉં છું.
શ્રી. નેમચંદભાઈએ તેમના સ્વર્ગીય મિત્ર શ્રી. તલકચંદભાઈના સ્મરણ ચિહ્નરૂપે આ પુસ્તકને પ્રકાશિત કરવામાં મને જે સહકાર આપ્યો છે તે બદલ તેમના આભારની નોંધ લેતાં અત્યાનંદ થાય છે. વિદ્યાભવન ,
નિવેદક શાતિનિકેતન |
શાન્તિલાલ વનમાળી શેઠ તા. ૨૮-૩-૦૪