________________
સાધુએ તે પોતાની ભૂલ તત્કાલ સુધારવી જોઈએ. તેના ઉપર દૃષ્ટાન્ત બતાવે છે કે, જેમ જાતિવાન્ ઘોડો જલદી નિયમિત ગતિને અંગીકાર કરે છે. તેમ સાધુઓ દુઃપ્રયોગનો ત્યાગ કરીને સમ્યગ્ વિધિનો અંગીકાર કરે. ૧૪ જીતેંદ્રિય, સંયમને વિષે ધૈર્યવાન્ અને મહા પુરુષ એવા સાધુને પોતાના હિતને વિચારવાની દેખવાની પ્રવૃત્તિવાળા મન, વચન, કાયાના યોગો નિરંતર વર્તે છે, તેવા સાધુઓને લોકો પ્રતિબુદ્ધજીવી કહે છે; અર્થાત્ દીક્ષા દીવસથી લઈને મરણપર્યંત પ્રમાદ રહિત જીવવાવાળો કહે છે અને તેવા ગુણવાળો સાધુ જીવિતવ્ય ગુણ વડે કરીને જીવે છે. (દશવૈકાલિક શાસ્ત્રનો ઉપસંહાર કરતાં ઉપદેશનો સાર બતાવે છે.) ૧૫ સર્વ ઇંદ્રિયોના વિષય વ્યાપારની નિવૃત્તિ કરીને પરલોકના કષ્ટ થકી નિરંતર પોતાના આત્માનું ૨ક્ષણ કરવું. જો તમે ઇંદ્રિયોના વિષયોથી આત્માનું રક્ષણ નહિ કરો તો ભવોભવ સંસા૨માં ૨ખડવું પડશે; અને જો અપ્રમાદી થઈ આત્માનું રક્ષણ કરશો તો શારીરિક અને માનસિક સર્વ દુ:ખ થકી તમે મુક્ત થશો, એમ હું તમને કહું છું. ૧૬ ઇતિ શ્રી દશવૈકાલિક સૂત્ર બાળાવબોધ સમાપ્તઃ
અધ્યયન-૧૦
+86 8
૧૮૩
