Dashvaikalaik Nandi Uvavai

Author(s): Hiralal Hansraj
Publisher: Hiralal Hansraj

Page 10

श्रीदसवैकालिकास्त्र-पञ्चमाध्ययनम् ॥ अह पिंडेसणा णाम पंचमज्झयणं ॥
संपत्ते भिक्खकालम्मि, असंभंतो अमुच्छिओ। इमेण कमजोगेण, भत्तपाणं गवेसए ॥१॥ से गामे वा नगरे वा, गोअरग्गगो मुणी। चरे मंदमणुविग्गो, अवक्खित्तेण चेअसा ॥२॥ पुरओ जुगमायाए, पेहमाणो महिं चरे। वज्जतो बीअहरियाई, पाणे अदगमहिअं॥३॥ ओवायं विसमं खाणु, विज्जलं परिवजए । संकमेण न गच्छिजा, विजमाणे परक्कमे ॥ ४ ॥ पवडते व से तत्थ, पक्खलंते व संजए। हिंसेज पाणभूयाई, तसे अदुव थावरे ॥५॥ तम्हा तेण न गच्छिज्जा, संजए सुसमाहिए। सइ अण्णेण मग्गेण, जयमेव परकमे ॥६॥ इंगाले छारियं रासिं, तुसरासिं च गोमयं । ससरक्खेहिं पाएहिं, संजओ तं नइक्कमे ॥७॥ न चरेज वासे वासंते, महियाए पडंतिए । महावाए व वायंते, तिरीच्छसंपाइमेसु वा ॥ ८॥ न चरेज वेससामंते, बंभचेरक्साणुए । बंभयारिस्स दंतस्स, होजा तत्थ विसोहिआ ॥९॥ अणाययणे चरंतस्स, संसग्गीए अभिक्खए । होज वयाणं पीला, सामणम्मि अ संसओ ॥ १०॥ तम्हा एअं विआणित्ता, दोसं दुग्गइवड्डणं । वजए वेससामन्तं, मुणी एगंतमस्सिए ॥ ११ ॥ साणं सूइ गावि, दित्तं गोणं हयं गयं । संडिब्भ कतेहं जुद्धं, दूरओ परिवजए ॥ १२ ॥ अणुन्नए नावणए, अप्पहिढे अणाउले। इंदिआई जहाभाग, दमइत्ता मुणी चरे ॥ १३ ॥ दवदवस्स न गच्छेजा, भासमाणो अगोचरे। हसन्तो नाभिगच्छेज्जा, कुलं उच्चावयं सया ॥ १४ ॥ आलोअं थिग्गलं दारं, संघि दगभवणाणि अ। चरन्तो न विणिज्झाए, संकट्ठाणं विवजए ॥ १५ ॥ रनो गिहवईणं च, रहस्सारविक्खयाण य । संकिलेसकरं ठाणं, दूरओ परिवजए ॥ १६ ॥ पडिकुटुं कुलं न पविसे, मामगं परिवजए। अचियत्तं कुलं न पविसे, चियत्तं पविसे कुलं । १७ ।। साणीपावारपिहिअं, अप्पणा नावपंगुरे । कवाडं नो पणुल्लिज्जा, उग्गहंसि अणाइआ ॥ १८ ॥ गोअरग्गपविट्ठो अ, वच्चमुत्तं न धारए । ओगासं फासु नचा, अणुनविय वोसिरे ॥ १९ ॥ णीयं दुवारं तमसं, कुट्टगं परिवजए। अचक्खुविसओ जत्थ, पाणा दुप्पडिलेहगा ॥ २० ॥ जत्थ पुप्फाइं बीआई, विप्पइन्नाई वोट्ठए । अहुणोवलित्तं उल्लं, द?णं परिवजए ॥ २१ ॥ एलगं दारगं साणं, वच्छगं वा वि कुट्ठए । उल्लंधिआ न पविसे, विउहित्ताण व संजए ॥ २२ ॥ असंसत्तं पलोइजा, नाइदूरावलोअए । उप्फुल्लं न विणिज्झाए, नियट्टिन अयंपिरो ॥ २३ ॥ अइभूमिं न गच्छेज्जा, गोअरग्गगओ मुणी । कुलस्स भूमि जाणिता, मिअं भूमि परक्कमे ॥ २४ ॥ तत्थेव पडिले हिज्जा, भूमिभागविअक्खणो । सिणाणस्स य वच्चस्स, संलोगं परिवजए ॥ २५ ॥ दगमट्टिअआयाणे, बीआणि हरिआणि अ। परिवज्जतो चिट्ठिजा, सविंदिअसमाहिए ॥ २६॥ तत्थ से चिट्ठमाणस्स, आहारे पाणभोअणं । अकप्पि न इच्छिज्जा, पडिगाहिज्ज कपि ।। २७ ॥ आहारन्ती सिआ तत्थ, परिसाडिज भोअणं । दिति पडिआइक्खे, न मे कप्पइ तारिसं ॥ २८ ।। संमद्दमाणी पाणाणि, बीआणि हरिआणि अ । असंजमकरि नच्चा, तारिसिं परिवजए ॥ २९ ।। साहट्ट निक्खिवित्ता णं, सचित्तं घट्टियाणि य । तहेव समणुट्ठाए, उदगं संपणुल्लिया ॥ ३० ।।