Ami Drushtithi Sanyam Srushti

Author(s): Bhadrankarvijay, Hemprabhvijay
Publisher: Bhadrankar Prakashan

Page 5

આ પ્રકાશનમાં છે.
શરીરથી નબળા - સૂત્રના અભ્યાસમાં પણ નબળા એવા માણેકભાઈ ઉપર પૂજ્યશ્રીની અમી દ્રષ્ટિ પડી, જે સંયમની શ્રેષ્ઠ સૃષ્ટિ બની ગઈ...
પોતાની નબળાઈ, પોતાના અવગુણોને જણાવીને આત્માને એકદમ નમ્ર બનાવવા તત્પર મુનિ શ્રી મહાસેનવિજયજી ઉપર પૂજ્યશ્રીએ પ્રેરણા-માર્ગદર્શન-પ્રોત્સાહન આપતા પત્રોની સાથોસાથ હિતચિંતા અને હિત શિક્ષા આપવામાં પણ કંઈ કમીના રાખી નથી.
પણ...આ બધામાં એક મહાન વિશેષતા એ છે કે, પૂજ્યશ્રીના એક-એક શબ્દ આદેય બનતાં.
તેમનો દરેક મહાત્મા પ્રત્યે જે અનહદ વાત્સલ્યભાવલાગણીભાવ હતો, તેનાં કારણે એમની સામાન્ય કે વિશેષ કોઈ પણ વાત, કોઈ પણ આજ્ઞા – એ આજ્ઞા ન લાગતા રૂચિકર ઔષધ લાગતી અને તે ભવદર્દી એવા મહાત્માઓને ભાવ ઔષધરૂપ બની જતી.
આ પ્રકાશનમાં પૂજ્ય મુનિરાજ શ્રી મહાસેનવિજયજી મહારાજ કે જેઓ પોતાની નબળાઈઓ પ્રકાશિત કરતાં ત્યારે તેમને પ્રોત્સાહિત રૂપે લખાયેલ પત્રો છે તથા પૂજ્ય ગુરુદેવ આચાર્ય શ્રી કુંદકુંદસૂરીશ્વરજી મહારાજ તથા પૂજ્ય પંન્યાસ પ્રવર શ્રી વજસેનવિજયજી મહારાજ સંસારી નામ “કેશુ'. માટે પૂજ્યશ્રીને જે અંતરના મનોરથો-ભાવો હતા તે બધા વ્યક્ત કરતા પત્રો છે.
શાસ્ત્ર સાપેક્ષ - પ્રાચીન મહાપુરુષો દ્વારા દર્શાવેલ, દ્રવ્યક્ષેત્ર-કાળ-ભાવને અનુલક્ષીને અપાયેલ હિતશિક્ષા ભરી આ પત્ર પ્રસાદીનાં પાવન ભાવો આત્મસ્પર્શ દ્વારા આત્માને પરમપદની પ્રાપ્તિ કરાવનારા બનો એજ. મુનિ હેમપ્રભ વિજય.