Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 1791

(४३) उत्तरऽज्झयणं (चउत्थं मूलसुत्तं) अ. २९, ३०
कम्मं न बंधइ, पुव्वबद्धं च निज्जरेइ ६७ ||६९ | ११७०-७२. एवं माणे ६८ || ७०|| मायाए ६९ ||७१||लोभे ७० ||७२ || नवरं मद्दवं उज्जुभावं संतोसीभावं वत्तव्वं । ११७३. पिज्ज-दोस - मिच्छादंसणविजएणं भंते! जीवे किं जणयइ ? पिज्ज-दोस मिच्छादंसणविजएणं नाण- दंसण- चरित्ताराहणयाए अब्भुट्ठेइ अट्ठविहस्स कम्मस्स कम्मगंठिविमोयणयाए । तप्पढमयाए जहाणुपुव्विं अट्ठावीसइविहं मोहणिज्जं कम्मं उग्घाएइ, पंचविहं नाणावरणिज्जं नवविहं दंसणावरणिज्जं पंचविहं अंतरायं एए तन्न विकम्मं जुगवं खवेइ । तओ पच्छा अणुत्तरं अनंतं कसिणं पडिपुन्नं निरावरणं वितिमिरं विसुद्धं लोगालोगप्पभासगं केवलवरनाणदंसणं समुप्पाडेइ । जाव सजोगी भवइ ताव य इरियावहियं कम्मं बंधइ सुहफरिसं दुसमयट्ठिईयं; तं पढमसमए बद्धं, बिइयसमए वेइयं, तइयसमए निज्जिण्णं । तं बद्धं पुढं उदीरियं वेइयं, नणं या अम्मं चावि भवइ ७१ || ७३ | ११७४ . अहाउयं पालइत्ता अंतोमुहुत्तद्धावसेसाउए जोगनिरोहं करेमाणे सुहुमकिरियं अप्पडिवाइ सुक्कज्झाणं झयमाणे तप्पढयाए मणजोगं निरुंभइ, वइजोगं निरुभइ, कायजोगं निरुभइ, आणापाणुनिरोहं करेइ, ईसिपंचहस्सक्खरुच्चारणद्वाए य णं अणगारे समुच्छिन्नकिरिय अणियट्टिं सुक्कज्झाणं झियायमाणे वेयणिज्जं आउयं नामं गोयं च एए चत्तारि कम्मंसे जुगवं खवेइ ७२ ॥ ७४ ॥ ११७५. तओ ओरालिय-कम्माई च सव्वाहिं विप्पजहणाहिं विप्पजहित्ता उज्जुसेढिपत्ते अफुसमाणगई उड्ड एगसमएणं अविग्गहेणं तत्थ गंता सागारोवउत्ते सिज्झइ बुज्झइ मुच्चइ परिनिव्वाइ सव्वदुक्खाणमंतं करेइ ७३ ||७५|| ११७६. एस खलु सम्मत्तपरक्कमस्स अज्झयणस्स अट्ठे समणेण भगवया महावीरेणं आघविए पन्नविए परूविए दंसिए निदंसिए उवदंसिए त्ति बेमि ||७६|| ★★★ ॥ सम्मत्तपरक्कमं अज्झयणं समत्तं ||२९|| ★ ★ ★ ३० तीसइमं तवमग्गगइज्जं अज्झयणं ★★★ ११७७. जहा उ पावगं कम्म राग-दोससमज्जियं । खवेति तवसा भिक्खू तमेगग्गमणो सुण || १ | ११७८. पाणिवह मुसावाया अदत्त- मेहुण परिग्गहा विरओ | राईभोयणविरओ जीवो भवइ अणावो ॥२॥ ११७९. पंचसमिओ तिगुत्तो अकसाओ जिइंदिओ । अगारवो य निस्सल्लो जीवो भवइ अणासवो ||३|| ११८०. एएसिं तु विवच्चासे रागदोससमज्जियं । खवेइ तं जहा भिक्खू तं मे एगमाणे सुण ॥ ४ ॥ ११८१. जहा महातलागस्स सन्निरुद्धे जलागमे । उस्सिंचणाए तवणाए कमेणं सोसणा भवे ॥ ५ ॥ ११८२. एवं तु संजयस्सावि पावकम्मनिरासवे । भवकोडीसंचियं कम्मं तवसा निज्जरिज्जई || ६ || १९८३. सो तवो दुविहो वुत्तो बाहिरऽब्भंतरो तहा । बाहिरो छव्विो वत्तो एवमब्भंतरो तवो ॥७॥ ११८४. अणसणभूणोयरिया १-२ भिक्खायरिया ३ य रसपरिच्चाओ ४ । कायकिलेसो ५ संलीणया ६ य बज्झो तवो होइ ॥८॥| ११८५. इत्तरिय मरणकाला य अणसणा दुविहा भवे । इत्तरिय सावकंखा निरवकंखा उ बिइज्जिया || ९ || १९८६. जो सो इत्तरियतवो सो समासेण छव्विहो । सेदितवो पयरतवो घणो य तह होइ वग्गो य ॥ १०॥ ११८७. तत्तो य वग्गवग्गो उ पंचमो छट्टओ पइन्नतवो । मणइच्छियचित्तत्थो नायव्वो होइ इत्तरिओ ॥ ११ ॥ ११८८. जा सा अणसणा मरणे दुविहा सा वियाहिया । सवियारा अवियारा कायचेट्टं पई भवे ||१२|| १९१८९. अहवा सप्परिकम्मा अपरिकम्मा य आहिया । नीहारिमनीहारी आहारच्छेओ य दोसु वि १ ॥ १३ ॥ ११९०. ओमोयरणं पंचहा समासेण वियाहियं । दव्वओ खेत्त-कालेणं भावेणं पज्जवेहिं य ॥ १४ ॥ ११९१. जो जस्स उ आहारो तत्तो ओमं तु जो करे । जहन्नेणेगसित्थाई एवं दव्वेण ऊ भवे ||१५|| १९९२. गामे नगरे तह रायहाणि-निगमे य आगरे पल्ली। खेडे कब्बडदो मुह-पट्टण - मडंब बाहे ||१६|| १९९३. आसमपए विहारे सन्निवेसे समाय- घोसे य। थलि सेणा खंधारे सत्ये संवट्ट कोट्टे य ॥१७॥ ११९४. वाडेसु व रच्छासु व घरेसु वा एवमेत्तियं खेत्तं । कप्पइ उ एवमाई एवं खेत्तेण ऊ भवे ॥१८॥। ११९५. पेडा य अपेडा गोमुत्ति पयंगवीहिया चेव । संबुक्कावट्टाययगंतुंपच्चागया छट्ठा ॥१९॥ ११९६. दिवसस्स पोरिसीणं चउण्हं पि उ जत्तिओ भवे कालो। एवं चरमाणो खलु कालोमाणं मुणेयव्वं ॥ २०॥ ११९७. अहवा तइयाए पोरिसीए ऊणाए घासमेसंतो । चउभागूणाए वा एवं कालेण ऊ भवे ||२१|| १९९८. इत्थी वा पुरिसो वा अलंकिओ वाऽणलंकिओ वा वि । अन्नतरवयत्थो वा अन्नतरेणं व वत्थेणं ॥२२॥ ११९९. अन्त्रेण विसेसेणं वण्णेणं भावमणुमुयंते उ । एवं चरमाणो खलु भावोमाणं मुणेयव्वं ॥ २३ ॥ १२००. दव्वे खेत्ते काले भावम्मि य आहिया उ जे भावा । एएहिं ओमचरओ पज्जवचरओ भवे भिक्खू २ ||२४|| १२०१ अट्ठविहगोयरग्गं तु तहा सत्तेव एसणा। अभिग्गहा य जे अन्ने भिक्खायरियमाहिया ३
Yo श्री आगमगुणमंजूषा १६७२
[३३]
原