Book Title: Agam 31 Ganivijja Atthamam Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 3
________________ बालब्रह्मचारी श्री नेमिनाथाय नमः नमो नमो निम्मलदंसणस्स ॐ ह्रीं नमो पवयणस्स | ३१ | गणिविज्जा - अट्ठमं पइण्णयं| [१] वुच्छं बलाबलविहिं नवबलविहिमुत्तमं विउपसत्थं । जिनवयणभासियमिण पवयणसत्थम्मि जह दिळं ।। [२] दिवस तिही नक्खत्ता करणं गहदिवसयं मुहत्तं च । सउणबलं लग्गबलं निमित्तबलमुत्तमं वा वि ।। [३] होराबलिआ दिवसा जुण्हा पुण दुब्बला उभयपक्खे । विवरीयं राईसु य बलाऽबलविहिं वियाणाहि ।। [४] पाडिवए पडिवत्ती नत्थि विवत्ती भणंति बीयाए | तइयाए अत्थसिद्धी विजयग्गा पंचमी भणिया [५] जा एस सत्तमी सा उ बहुगुणा इत्थ संसओ नत्थि । दसमीइ पत्थियाणं भवंति निक्कंटया पंथा ।। [६] आरोग्गमविग्घं खेमियं च एक्कारसिं वियाणाहि । जेऽवि य हंति अमित्ता ते तेरसि पिट्ठओ जिणइ [७] चाउद्दसिं पन्नरसिं वज्जिज्जा अट्ठमिं च नवमिं च । छट्टुिं च चउत्थिं बारसिं च दुण्हं पि पक्खाणं [८] पढमी पंचमि दसमी पन्नरसएक्कारसी वि य तहेव । ____एएसु य दिवसेसुं सेहे निक्खमणं करे ।। [९] नंदा भद्दा विजया तुच्छा पन्ना य पंचमी होड़ । मासेण य छव्वारे इक्किक्काऽऽवत्तए नियए ।। [१०] नंदे जए य पुन्ने, सेहनिक्खमणं करे । नंदे भद्दे सुभद्दाए, पुन्ने अनसनं करे [११] पुस्सऽस्सिणि मिगसिर रेवई य हत्थो तहेव चित्ता य । अनुराह जिट्ठ मूला नव नक्खत्ता गमनसिद्धा [१२] मिगसिर महा य मूलो विसाहा तहेव होइ अनुराहा । हत्थुत्तर रेवइ अस्सिणी य सवणे य नक्खत्ते [१३] एएस् य अद्धाणं पत्थाणं ठाणयं च कायव्वं । जइ य गहोऽत्थं न चिट्ठइ संझामुक्कं च जइ होइ ।। [१४] उप्पन्न भत्तपाणो अद्धाणम्मि सया 3 जो होइ । फल-पुप्फोवगवेओ गओ वि खेमेण सो एड् ।। [१५] संझागयं रविगयं विडढेरं सग्गहं विलंबिं च । राह्मयं गहभिन्नं च वज्जए सव्व नक्खत्ते ।। [दीपरत्नसागर-संशोधितः] [2] [३१|गणिविज्जा]Page Navigation
1 2 3 4 5 6 7 8
