Agam 15 Upang 04 Pragnapana Sutra Shwetambar

Author(s): Purnachandrasagar
Publisher: Jainanand Pustakalay

Page 337

|समोहते समोहणित्ता जे पुग्गले निच्छुभति तेहिं णं भंते! पोग्गलेहिं केवतिते खेत्ते अप्फुण्णे केवतिए खित्ते फुडे?, गो०! || सरीरप्यमाणमेत्ते विक्खंभबाहल्लेणं आयाणं जह० अंगुलस्स संखेजतिभागं उक्को० संखिजातिं जोअणातिं एगदिसिं विदिसिं वा एवइए खित्ते अफुण्णे एवतिते खेत्ते फुडे, से णं भंते! केवतिकालस्स अप्फुण्णे केवतिकालस्स फुडे?, गो०! एगसभइएण वा दु० वा ति० वा विगहेणं एवतिकालस्स अप्फुण्णे एवतिकालस्स फुडे, सेसं तं चेव जाव पंचकिरियावि, एवं नेरइएवि, णवरं आयामेणं जह० अंगुलस्स असंखेजतिभागं उक्को० संखिज्जाई जोअणाई एगदिसिं, एवतिते खेत्ते०, केवतिकालस्स०?, तं चेव जहा जीवपदे, एवं जहा नेरइयस्स तहा असुरकुमारस्स, नवरं एगदिसिं विदिसिं वा, एवं जाव थणियकुमारस्स, वाउकाइयस्स जहा जीवपदे, णवरं एगदिमि. पंचिंदियतिरिक्वजोणियस्स निरवसेसं जहा नेरइयस्स, मणूसवाणमंतरजोइसियवेमाणियस्स निरवसेसं जहा असुरकुमारस्स, जीवे णं भंते! तेयगसमुग्धाएणं समोहते समोहणित्ता जे पोग्गले निच्छुब्भति तेहिं णं भंते! पोग्गलेहिं केवतिते खेत्ते अप्फुण्णे केवइए खित्ते फुडे?, एवं जहेव वेविते समुग्धाते तहेव, नवरं आयामेणं जह० अंगुलस्स असंखेजतिभागं सेसं तं चेव एवं जाव वेमाणियस्स, णव पंचिंदियतिरिक्खजोणियस्स एगदिसिं एवतिते खेत्ते अप्फुण्णे एवइखित्तस्स फुडे, जीवे णं भंते ! आहारगसमुग्धातेणं समोहत्ते समोहणित्ता जे पोग्गले निच्छुब्भति तेहि, णं भंते! पोग्गलेहिं केवइए खित्ते अप्फुण्णे केवइए खेत्ते फुडे? गो०! सरीरप्पमाणमेत्ते विक्खंभबाहल्लेणं आयामेणं जहण्णेणं अंगुलस्स असंखेज्जतिभागं उक्को० संखेजाइं जोयणाई ॥ श्री प्रज्ञापनोपांगम् ॥
| ३४६
पू. सागरजी म. संशोधित