________________
કેમ બનાવી એની તપાસ કરવા કહ્યું. શેઠાણી ખબર લાવ્યાં કે આ તો એમના નોકર નારણનાં કામ છે !
નાથા શેઠ રજા લઈને નિરૂણા જવા નીકળ્યા. નારણને પણ સાથે લીધો. મનમાં વિચાર્યું કે હવે એને ઘેર આવવા દે ને પૂરી ખબર પાડી નાખું. કામ કરાવીને દમ કઢાવી નાખું.
શેઠાણીને અને નોકર નારણ લઈને શેઠ નિરૂણા પાછા આવ્યા. નારણના વેશમાં રહેલો ડમરો પણ પાછો આવ્યો. આવીને બોલ્યો, શેઠ, કોઈ હુકમ ?”
શેઠને સ્નાન કરવાની ઇચ્છા હતી. એમણે કહ્યું, ‘જા, પાણી લાવ.” ડમરો એક નાનકડા પવાલામાં પાણી ભરીને આવ્યો. શેઠે જોયું ને ગુસ્સે થયા.
જોરથી બોલી ઊઠ્યા, ‘અલ્યા, મેં નાહવાનું પાણી લાવવા કહ્યું છે. જલદી જા. કપડાં કાઢીને બેઠો છું એટલે ઠંડી ખૂબ લાગે છે.'
ડમરો પાછો ગયો. લોટામાં ગરમ પાણી ભરીને આવ્યો. નાથા શેઠને ખૂબ ગુસ્સો ચડ્યો ને બોલ્યા :
‘મૂરખ, મેં તને નાહવા માટે ડોલમાં પાણી લાવવાનું કહ્યું. કેમ, કંઈ અક્કલ-બક્કલ છે કે વેચી નાખી છે ?”
ડમરો કહે, “શેઠ, ગમે તેમ ન બોલો, પણ ખેર ! શેઠ છો, માટે હુકમ પાળું છું.”
નારણ ડોલમાં સ્નાન કરવા માટે પાણી લાવ્યો. ડોલ મૂકીને બોલ્યો, “શેઠ હવે ?”
નાથા શેઠ ગરમ થઈને બોલ્યા, “અરે ! હવે શું ? સવાર પડી છે એ દેખાતું નથી ? ચાલ, એક પછી એક સવારનાં કામ પતાવ. ચૂલો સળગાવી, ખાટલો પાથરી ઉપર ગાદી તકિયા મૂકી દૂધ ગરમ કર.”
શેઠ તો સ્નાન કરીને બેઠા. દૂધની રાહ જોતા હતા.
ઉંદરે તાણ્યો ઘોડો ૦
