________________
છે. જોઈએ, હવે આગળ શું કરે છે ? બેટો, મારા પંજામાંથી ક્યાં છટકવાનો છે ? આ તો કાનો પટેલ છે કાનો ! નવ્વાણું નાક ભેગાં કરનારો કાનો !
બીજે દિવસે વહેલી સવારે કાના પટેલે બૂમ પાડી. “અરે રામ સવાયા, જલદી દોડજે. મારી છાતીમાં ગભરામણ થાય છે.”
ડમરો ઊઠ્યો. શેઠ પાસે જઈને બોલ્યો. “કહો શેઠ, શું કરું ?'
કાના પટેલ બરાડી ઊઠ્યા, ‘શું કરું શું ? જોતો નથી મને ખૂબ ગભરામણ થાય છે. જલદી છાતી પર શેક કર. નહીં તો ભાઈ રામ સવાયા, મારા રામ રમી જશે.”
ડમરો દોડી ગયો. થોડી વારે પાછો આવ્યો ને પૂછવા લાગ્યો, શેઠ, તમને કેવો શેક માફક આવશે ? ગરમ શેક કે ટાઢો શેક ?'
કાના પટેલ વિચારમાં પડ્યા. ગરમ શેક તો ઘણી વાર કર્યો છે, પણ આ ટાઢો શેક વળી શું ? લાવ, જોઉં તો ખરો કે છે શું ? કાના પટેલ બોલ્યા : ‘ટાઢો શેક લાવ !”
ડમરો વળી દોડ્યો. જઈને પોતાની ઓરડીમાં સુઈ ગયો. અડધો કલાક ગયો, કલાક ગયો, બે કલાક ગયા, પણ રામ સવાયો આવ્યો નહીં.
કાના શેઠે બૂમ મારી, ‘અલ્યા રામ સવાયા, જલદી પેલો ટાઢો શેક લાવ !”
ડમરાએ કહ્યું, “શેઠ, બસ, હવે તૈયાર થવા આવ્યો છે ! થોડી વારમાં જ લાવું છું.”
કાના પટેલની ગાયોની રખેવાળી કરે છનો ભરવાડ. ડમરાએ છના ભરવાડને કહી રાખેલું કે ગાય પોદળો મૂકે કે તરત મને બૂમ શું પાડવી.
છના ભરવાડે બૂમ પાડી. ડમરો શેઠનું નવુંનકોર ધોતિયું લઈને 18 દોડ્યો. ધોતિયામાં પોદળો ઝીલી લીધો ને ધોતિયાને બરાબર ગાંઠ મારી
| ડાહ્યો ડમરો
