________________
રિસાયેલી રાણી
[૧૬]
મહારાજ ભીમદેવને ત્રણ રાણીઓ : ઉદયમતી, બકુલાદેવી અને માયાવતી. આમાં ઉદયમતી અને બકુલાદેવીને ડમરા માટે ખૂબ માન, પણ માયાવતી ડમરાને જોઈને મનોમન બળે. એની ચડતી થતી જોઈને ખાવુંય ન ભાવે. આની પાછળ એક કારણ હતું. માયાવતીનો ભાઈ આહવમલ દરબારમાં બેસે. એ ચતુરાઈ લડાવવા જાય, પણ ડાહ્યા ડમરાની બુદ્ધિ આગળ એનું કશું ચાલે નહીં.
માયાવતીને મનમાં એમ કે આ ડમરો અહીંથી જાય તો પોતાના ભાઈનું રાજકાજમાં વર્ચસ્વ થાય. એના ભાઈએ પણ સમજાવેલું કે ડમરો દૂર થાય પછી પોતે આખું રાજકાજ પોતાના હાથમાં લઈ શકે તેમ
આથી રાણી માયાવતીએ એક નવો દાવ રચ્યો. રાજા એને મળવા આવ્યો ત્યારે એરંડિયું પીધા જેવું મોં કરીને બેઠી. ન બોલે કે ન ચાલે. રાજા ભીમદેવ રાણીને મનાવવા લાગ્યા. આવી ઉદાસીનતાનું કારણ પૂછવા લાગ્યા. ત્યારે રાણી માયાવતી બોલી,
મહારાજ, ભલે હું આ રાજની રાણી હોઉં, પણ રાજમાં મારું કંઈ ચાલતું નથી. હાલતાં-ચાલતાં મારું અપમાન થાય છે. સહુ દરબારીઓ કહે છે કે રાજ તો ભીમદેવનું, એમના મંત્રીઓનું અને ડાહ્યા ડમરાનું. બીજાં બધાં તો તણખલાની તોલે છે.'
રિસાયેલી રાણી &
