Page Text
________________
નૌકાધિપતિ નેલ્સનને આ ઘટનાની જાણ કરવામાં આવી એટલે એણે તત્કાળ આદેશ કર્યો કે જહાજ પાછું લઈને ડૂબતા સૈનિકને કોઈ પણ ભોગે બચાવો. જહાજ પરના એના સાથીઓએ કહ્યું કે આમ કરીશું તો દુશ્મનનાં જહાજો આપણને ઘેરી વળશે અને એક સૈનિકને બચાવવા જતાં આપણે બધા દરિયાઈ સમાધિ પામીશું.
નેલ્સને સમજાવ્યું કે એને માટે પ્રત્યેક સૈનિકનું જીવન અતિ મૂલ્યવાન છે અને તેથી એને આમ દરિયામાં જલસમાધિ લેતો, મરણને હવાલે છોડી શકાય નહીં.
જહાજ પાછું લાવવામાં આવ્યું અને સૈનિકને બચાવવામાં આવ્યો. આથી બન્યું એવું કે દુશ્મનોએ માન્યું કે ઇંગ્લૅન્ડનું જહાજ એમની તરફ એ માટે આવી રહ્યું છે કે એની મદદે ઇંગ્લૅન્ડનાં બીજાં જહાજો આવી રહ્યાં છે, આથી દુશ્મનોએ એમનાં જહાજો પાછાં વાળ્યાં અને સહુને એક સૈનિકની જિંદગી બચાવનાર હૉરેશિયો નેલ્સનની દિલેરીનો પરિચય થયો.
૧૨૨
જન્મ : ૨૯ સપ્ટેમ્બર, ૧૭૫૮, બુર્રનામ ચોર્પ, ઇંગ્લૅન્ડ અવસાન : ૨૧ ઑક્ટોબર, ૧૮૦૫, કૅપ ટ્રાફ્લગર, સ્પેન
શીલની સંપદા
પ્રસિદ્ધ નવલકથાકાર, ચિંતક અને નાટ્યકાર લિયો ટૉલ્સ્ટોય (૧૮૨૮થી
સર્જકનું ૧૯૧૦) કુટુંબની વિશાળ મિલકત
સાહસ
સંભાળતા હતા અને સમૃદ્ધ જાગીરદાર તરીકે જીવન જીવતા હતા. એમના વૈભવી જીવનમાં એવું પરિવર્તન આવ્યું કે એકત્રીસ વર્ષની વયે પોતાનાં ખેતરોમાં કામ કરતાં મજૂરનાં બાળકો માટે નિશાળ ખોલવાનો સંકલ્પ કર્યો. એમને સમજાયું કે બીજાના શ્રમ પર જીવવું એ પરાધીનતા અને શોષણરૂપ છે. એમણે સંપૂર્ણ સ્વાવલંબન સ્વીકાર્યું.
૧૮૯૦માં રશિયામાં કારમો દુષ્કાળ પડ્યો. સરકારે આ દુષ્કાળ રાહતના કામ માટે સારી એવી રકમ જુદી ફાળવી. જુદી જુદી યોજનાઓ કરી, પરંતુ એ રકમ દુષ્કાળપીડિતો સુધી પહોંચી નહીં. લાંચખાઉ અમલદારોએ એનાથી પોતાનાં ગજવાં
ભર્યાં. ટૉલ્સ્ટોયે આ પરિસ્થિતિ જોઈ અને એણે વિચાર્યું કે સરકારના સઘળા પ્રયત્નો દુષ્કાળપીડિતની વેદના ઓછી કરી શક્યા નથી. હવે માત્ર સરકાર પર મદાર રાખીને બેસી રહેવાથી કશું વળશે નહીં એમ માનીને લિયો ટૉલ્સ્ટોયે દુષ્કાળ પીડિતોને માટે પોતે સ્વતંત્ર યોજના ઘડી. આને માટે ઘણું મોટું ભંડોળ
શીલની સંપદા ૧૨૩
| SR No. | 034435 |
| Book Title | Sheelni Sampada |
| Original Sutra Author | N/A |
| Author | Kumarpal Desai |
| Publisher | Gurjar Sahitya Prakashan |
| Publication Year | 2016 |
| Total Pages | 82 |
| Language | Gujarati |
| Classification | Book_Gujarati |
| File Size | 3 MB |