Page Text
________________
એમના આ પ્રારંભિક પ્રયોગને જોઈને એ સ્ત્રી અત્યંત ગુસ્સે થઈ અને માઇકલ ફેરડે પાસે પહોંચી ગઈ. એણે કહ્યું, “તમે આવા પ્રયોગો કરો છો એનો અર્થ શો ? આ પ્રદર્શનોમાં લોકોને ભેગા કરીને તમે સહુને બેવકૂફ બનાવો છો.”
માઇકલ ફેરડેએ સ્વસ્થતાથી પેલી સ્ત્રીએ કેડે તેડેલા બાળકને બતાવીને કહ્યું, “જુઓ, જેમ આપનું આ બાળક અત્યારે નાનું છે, એમ મારો પ્રયોગ પણ અત્યારે એક નાના બાળક જેવો છે. આજે આપને આપનું બાળક કશા ઉપયોગમાં આવતું ન હોય તેવું બને. એમ આજે તમને મારો આ પ્રયોગ સામાન્ય લાગે તેમ બને, પરંતુ ભવિષ્યમાં આ પ્રયોગ અત્યંત મહત્ત્વપૂર્ણ સિદ્ધ થઈ શકે છે અને એમાંથી કોઈ મહાન શોધ સર્જાઈ શકે છે.”
માઇકલ ફેરડેનો જવાબ સાંભળીને પેલી સ્ત્રી મૌન થઈ ગઈ અને હકીકતમાં સમય જતાં માઇકલ ફેરડેનો આ પ્રયોગ અનેક શોધોનું કારણ બન્યો. એણે સૌપ્રથમ ડાયનેમો બનાવ્યો અને વીજ-વિઘટનના મૂળભૂત સિદ્ધાંતોને વ્યાખ્યાયિત પણ કર્યા.
૧૨૦
જન્મ
- ૨૨ સપ્ટેમ્બર, ૧૭૯૧ ન્યૂઇંગટન, સરે, ઇંગ્લૅન્ડ અવસાન : ૨૫ ઑગસ્ટ, ૧૮૬૭ હેમ્પટન કોર્ટ, સરે, ઇંગ્લૅન્ડ
શીલની સંપદા
ગ્રેટ બ્રિટનના નૌકાદળના વડા હૉરેશિયો નેલ્સન (૧૭૫૮-૧૮૦૫)
સૈનિકની પોતાના વિશાળ નૌકાકાફલા સાથે
દરિયાઇ સફર ખેડી રહ્યા હતા. માત્ર
જિંદગી
૧૨ વર્ષની વયે ઇંગ્લૅન્ડનો નૌકાસૈનિક બનનાર નેલ્સન વીસ વર્ષની વયે
યુદ્ધજહાજનો કપ્તાન બન્યો. એ પછી સમય જતાં નેપોલિયન બોનાપાર્ટ સાથેનાં દરિયાઈ યુદ્ધોમાં બ્રિટનના નૌકાકાફલાની સફળ આગેવાની સંભાળનાર નૌકાધિપતિ બન્યો.
એક વાર પોતાના નૌકાકાફલા સાથે નેલ્સન દરિયાઈ સફર ખેડતો હતો, ત્યારે એકાએક સામેથી દુશ્મનનાં બે જહાજો એમના તરફ ધસી આવતાં દેખાયાં. એ જહાજો અત્યંત વેગથી આવી રહ્યાં હતાં, તેથી નેલ્સને એના યુદ્ધજહાજને અતિ ઝડપે આગળ વધવા હુકમ કર્યો.
આ સમયે નેલ્સનનો એક સૈનિક જહાજમાંથી દરિયામાં ગબડી પડ્યો. એ જીવ બચાવવા કોશિશ કરતો હતો. હાથ વીંઝીને જહાજ તરફ આવવાના મરણિયા પ્રયાસો કરતો હતો, પરંતુ જહાજની ગતિ રોકી શકાય તેમ નહોતી, કારણ કે સામેથી દુશ્મનનાં જહાજો ત્વરાથી સામે આવી રહ્યાં હતાં.
શીલની સંપદા ૧૨૧
| SR No. | 034435 |
| Book Title | Sheelni Sampada |
| Original Sutra Author | N/A |
| Author | Kumarpal Desai |
| Publisher | Gurjar Sahitya Prakashan |
| Publication Year | 2016 |
| Total Pages | 82 |
| Language | Gujarati |
| Classification | Book_Gujarati |
| File Size | 3 MB |