________________
निजदोष दर्शनना ने... निर्दोष
दिसतो अर्थात चंदुभाऊचा दोष तुम्हाला दिसतो. चंदुभाऊ गुन्हेगार आहे असे तुम्हाला वाटते.
प्रश्नकर्ता : हो, दादाजी असेच वाटते.
दादाश्री : चंदुभाऊला ती (बायको) गुन्हेगार आहे असे वाटते पण तुम्हाला चंदुभाऊ गुन्हेगार आहे असेच वाटते. चंदुभाऊने बायकोचा दोष पाहिला व तिच्यावर रागावले, म्हणून चंदुभाऊ गुन्हेगार आहेत, असे तुम्हाला वाटते.
९०
प्रश्नकर्ता : माझ्या नोकराला मी दोन-तीनदा हाका मारुन उठवले तरी त्याने उत्तर दिले नाही. त्यावेळी तो जागाच होता. म्हणून त्याच्यावर मला खूप क्रोध आला, तर त्याचे काय करावे ?
दादाश्री : क्रोध आल्यानंतर तुम्हाला दोष दिसला का ? प्रश्नकर्ता : दादा, आधी दोष दिसला त्यानंतरच क्रोध येईल ना ? दादाश्री : हो, म्हणजे क्रोध आला पण नंतर वाटले ना की, त्याचा दोष नाही. म्हणजे तुम्हाला तुमची चूक दिसली.
प्रश्नकर्ता : लगेच नाही वाटले.
दादाश्री : जरी नंतर, पण त्याने चूक केली नाही, म्हणजे ती चूक तुम्ही स्वतः केली असे वाटले. त्यानेच चूक केली असती तर स्वत:चा दोष दिसलाच नसता !
प्रश्नकर्ता : पण असे तर रोजच घडते ! राग येतोच.
दादाश्री : त्यासाठी तुम्हाला प्रतिक्रमण करावे लागेल. पण कशासाठी प्रतिक्रमण ? पश्चाताप करण्याचे कारण काय ? त्याने असे का केले? तेव्हा म्हणे, त्याने जे काही केले ते तुमच्या कर्माचा उदय आहे. म्हणून तर त्याने ही चूक केली. कोणताही माणूस चूक करतो ते तुमच्या निमित्तानेच करतो. तुमच्याच कर्माचा उदय आहे म्हणून त्याने चूक केली.
