________________
ती चूक झाली, त्यासाठी त्याची माफी मागत आहे, आणि ती चूक पुन्हा करणार नाही असा निश्चय करीत आहे. पुन्हा कधी अशी चूक न होवो अशी मला शक्ती द्या.' 'शुद्धात्मा' ला स्मरून किंवा 'दादा'ला स्मरून म्हणायचे की, 'ही चूक झाली' अर्थात् ती आलोचना आहे आणि ती चूक धुवून टाकायची हे प्रतिक्रमण आणि ती चूक पुन्हा करणार नाही, असा निश्चय करायचा, ते प्रत्याख्यान आहे. समोरच्या व्यक्तीला नुकसान होईल असे करणे किंवा त्याला आपल्यापासून दु:खं होईल असे वागणे हे सर्व अतिक्रमण आहे. त्याचे लगेचच आलोचना प्रतिक्रमण, प्रत्याख्यान करावे लागते.
