________________
झोपलेली असते. आणि तो भाऊ सारखा कुशी बदलत असतो तर आपण समजून जायचे की यात पतीचीच चूक आहे, कारण ती बाई भोगत नाही. ज्याची चूक असेल तोच भोगतो. आणि जर त्यावेळेला तो भाऊ झोपलेला असेल आणि ती बाई जागी असेल, तर समजावे की त्या बाईचीच चूक आहे. 'भोगतो त्याची चूक', हे तर फार गुह्य विज्ञान आहे! सारे जग निमित्तालाच दोष देत असते.
परमेश्वराचा कायदा काय? परमेश्वराचा कायदा तर काय म्हणतो की ज्या क्षेत्रात, ज्या काळात जो भोगतो तो स्वत:च गुन्हेगार आहे. आता कोणाचा खिसा कापला गेला तर त्या कापणाऱ्यासाठी आनंदाची गोष्ट आहे, तो तर मस्तपैकी जिलेबी खात असेल, हॉटेलात बसून चहापाणी आणि नाष्टा करीत असेल. आणि त्याच वेळी ज्याचा खिसा कापला गेला तो भोगत असेल. म्हणून 'भोगतो त्याची चूक'. त्याने पूर्वी कधीतरी चोरी केली असेल म्हणून आज तो पकडला गेला, आणि खिसा कापणारा तर जेव्हा तो पकडला जाईल तेव्हा त्याला चोर म्हटले जाईल.
संपूर्ण जग समोरच्याचीच चूक पाहतो. भोगत असतो स्वतः पण चूक समोरच्याचीच पाहतो. उलट त्यामुळे तर गुन्हे दुप्पट होत राहतात आणि व्यवहारातील गंतागंतीही वाढत जाते. ही गोष्ट जर नीट समजली तर गुंता सुटत जाईल.
या जगाचा नियम असा आहे की जे डोळ्यांनी दिसेल, त्यास चूक म्हणतात आणि निसर्गाचा नियम असा आहे की, जो भोगत आहे, त्याची चूक आहे.
___ कोणालाही किंचित्मात्र दु:खं द्यायचे नाही. कोणी आपल्याला दुःखं दिले ते आपण जमा करून टाकायचे. तर आपले वहीखाते चोख होतील. आता पुन्हा कोणाला द्यायचे नाही, नवीन व्यापार सुरु करायचा
