Page Text
________________
ભાગ્ય અજમાવવા સહુને આગળ કરો...
રત્નસંચયા નગરીમાં જિનમંદિરના દ્વાર બંધ થઇ ગયા છે. રાજકુમારીને યોગ્ય પુણ્યશાળી વ્યક્તિની દૃષ્ટિથી જિનમંદિરના દ્વાર ખૂલશે તેવી દેવવાણી થઇ છે. શ્રીપાલ રસાળા સાથે આ કૌતુક જોવા જાય છે. જિનાલયની નજીક પહોંચતાં શ્રીપાલ સહુને કહે છે, દરેક વ્યક્તિ પોતાનું ભાગ્ય અજમાવો. વારાફરથી દરેક વ્યક્તિને જિનાલયની સન્મુખ મોકલે છે. આમ તો નગરના પ્રત્યેક વ્યક્તિ પોતાનું ભાગ્ય અજમાવી ગયા છે. બધાને નિષ્ફળતા મળી છે. છતાં શ્રીપાલ પોતાની સાથે આવેલા પ્રત્યેક વ્યક્તિને ભાગ્યોદય માટે સૂચિત કરે છે. કોઇની દૃષ્ટિથી દ્વાર ખુલતા નથી, છેવટે શ્રીપાલની દૃષ્ટિથી જ ખૂલે છે અને સ્વર્ણકેતુ રાજા પોતાની રાજપુત્રી મદનમંજુષાના લગ્ન શ્રીપાલ જોડે કરાવે છે.
અહીં ભાગ્ય અજમાવવાની વાત છે. શ્રીપાલના મનમાં ઉદાત્ત ભાવના છે. દરેક વ્યક્તિ પોતાના ભાગ્યની પરીક્ષા કરી લે. કોઇના મનમાં એમ ન થાય કે હું રહી ગયો; ક્યાંય સ્વાર્થ, ભાવના કે બસ બધું હું જ લઇ લઉંની ભાવના શ્રીપાલના અંતરમાં નથી જેના ભાગ્યમાં હશે તેને મળશે એવું શ્રીપાલ માને છે.
જેનું પણ ભાગ્ય પ્રગટે તેમાં શ્રીપાલને આનંદ છે. નથી ઇર્ષ્યા, નથી સ્વાર્થ, નથી લઇ લઉંની ભાવના કે નથી હું રહી જઇશ તેની વ્યગ્રતા... આરાધક આત્મા કેવો હોય તેનું દર્શન શ્રીપાલની પ્રત્યેક પ્રવૃત્તિ પ્રસંગમાં થઇ રહ્યું છે. શ્રીપાલ કહે છે સહુને આગળ કરો, બધા તમને આગળ કરશે...
જરા વિચારી લો. બજારમાં મોટો વેપારી બહારથી આવ્યો હોય, માત્ર એક જ સોદો કરીને તુરંત નીકળી જવાનો છે અને જેને પણ સોદો થઇ ગયો તેણે જબરજસ્ત મોટો ફાયદો થાય તેવું સ્પષ્ટ જણાય છે તો... તમે શું કરો? પહેલાં બધાને જઇ આવવા દો પછી આપણે જઇશું કે પહેલાં હું જાઉં પછી બધા? આપણી અને શ્રીપાલની મનોદશાને તુલનાત્મક ભાવથી વિચારજો આપણી મનોસ્થિતિ કેવી હોય? તે આપણે સમજીએ છીએ.
augue
24
| SR No. | 034034 |
| Book Title | Shripal Katha Anupreksha |
| Original Sutra Author | N/A |
| Author | Naychandrasagarsuri |
| Publisher | Purnanand Prakashan |
| Publication Year | 2016 |
| Total Pages | 109 |
| Language | Gujarati |
| Classification | Book_Gujarati |
| File Size | 4 MB |