Shripal Katha Anupreksha

SR No.: 034034
Original Sutra Author: N/A
Author: Naychandrasagarsuri
Publisher: Purnanand Prakashan
Publication Year: 2016
Total Pages: 109
Language: Gujarati
Classification: Book_Gujarati
File Size: 4 MB

Page 40

વેચશો અને નવો ખરીદી લેજો” એમ કહીને રવાના થાય છે.
શ્રીપાલને ખબર છે કે ધવલના હૃદયમાં મારી ઉપર ઈર્ષાનો કીડો સળવળ્યો છે. ધવલ તરફથી મળેલ જહાજો (અર્ધો ભાગ), મહાકાલ રાજાની રાજપુત્રી સાથેના લગ્ન, મહાકાલ રાજા તરફથી કન્યાદાનમાં મળેલ મોટા જહાજ, આમાંથી ધવલને કાંઈ જ ગમ્યું નથી... “મારા કરતાં ચડી ગયો... તેનું લઈ લેવું” તેવા વિચારો છે. શ્રીપાલની હાજરીમાં “ગ્રાહકોને ખેંચી ખેંચીને લઈ જાય છે તો વ્યાપારમાં કેવા ગોટાળા કરશે? શ્રીપાલે પોતાનો વેપાર ધવલને સોંપ્યો તેમાં વાસ્તવમાં ધવલ અંતરથી હરખાયો છે. “તેનો માલ સસ્તા ભાવે વેચેલો બતાવીશ અને નવો માલ મોઘો ખરીધ્યો એમ જણાવીશ.” બન્ને બાજુથી ગાળીયા (કમાણી) મને થશે. આમ વિચારી રહ્યો છે. છતાં શ્રીપાલ ધવલ પ્રત્યે કોઈ શંકા આશંકા મનમાં રાખતો નથી. અવિશ્વાસ ઉભો થયો નથી.
એક કલ્પના કરો કે તમારી દુકાનની બાજુની દુકાનમાં પણ તમે જે માલ વેચો છો તે જ પ્રકારની દુકાન છે. તમારી દુકાને આવતા ગ્રાહકોને પકડી પકડી તે વેપારી પોતાના ત્યાં લઈ જાય છે, ભાવ તોડી આકર્ષે છે, તમે ઊંચા ન આવો તેવો વિચાર સતત કરે છે. આવી સ્થિતિમાં તમારે ૨/૩ દિવસ બહારગામ જવાનું થયું તો દુકાનની ચાવી પાડોશીને આપી વેપારમાં ધ્યાન રાખવાનું કહો કે નહીં? - શ્રીપાલને કર્મની થિયરી, પુણ્ય પાપના ખેલ સમજાઈ ગયા છે. શ્રીપાલને પુણ્ય ઉપર પૂર્ણ ભરોસો છે. પુણ્યમાં હશે તો કોઈ લઈ જવાનું નથી અને પુણ્યમાં નહીં હોય તો... લાખ પ્રયત્ન છતાં કાંઈ ટકવાનું નથી. જેના ભાગ્યનું છે તેને મળવાનું છે જ. મારા ભાગ્યમાં હશે તેટલું મળશે. કોઈ વ્યક્તિ પ્રત્યે શંકા-અવિશ્વાસ કરવાથી શું? આપણા પુણ્યમાં નહિ હોય અગર આગળના ભવોની લેણાદેણી બાકી હોય તો જ સામેની વ્યક્તિને લઈ લેવાના / દબાવી દેવાના વિચારો આવે. શ્રીપાલ સમજે છે કે પૂર્વે એક દિ' સત્તા સંપત્તિ બધું જ હતું. પુણ્ય પરવાર્યુ તો બધું ચાલ્યું ગયું. પુનઃ પુણ્યના પ્રભાવથી મળ્યું છે. જ્યાં સુધી પુણ્ય છે, ત્યાં સુધી ટકશે. શંકા-કુશંકાકે આર્તધ્યાન કરવાથી શું મતલબ? શ્રીપાલ કહે છે “પુણ્ય પર ભરોસો રાખો, પુણ્ય જ બળવાન છે, બીજા ઉપર અવિશ્વાસને શંકા ન કરો.”
ఉడుము మడతడు పులుసు