Page Text
________________
૧૯૦
પ્રકરણ : ૮
અને શુદ્ધ ભાવોની વૃદ્ધિ થઈ રહી છે. આ બધી દિવ્ય પ્રક્રિયા હે નાથ! તમારા બોધના પ્રભાવે મારો આત્મા અનાદિકાળના મલિન ભાવો – વિષયકષાયના પરિણામો છોડીને સંવર-નિર્જરાના ભાવોમાં આગળ વધતાં પાપરૂપી અંધકારનો નાશ થઈ રહ્યો છે, જાણે દૂર ભાગી ગયો છે. જુઓ ભક્તિ-અમૃત અનુષ્ઠાનનું અદ્ભુત ફળ !!! તુજ મૂતિ માયા જીસી રે લો, ઉર્વશી થઈ ઉરે વસી રે લો, રખે પ્રભુ ટાળો એક ઘડી રે લો, નજર વાદળની છાંયડી રે લો. (૬)
હે નાથ ! તમારી વીતરાગ મુખમુદ્રાવાળી અલૌકિક મૂર્તિએ તો મારા ઉપર જાણે જાદુ કરીને, માયા રચીને મને મોહિત કરી દીધો છે. (Mesmorise કરી છે). તે જાણે દેવલોકમાં રહેનારી ઉર્વશી નામની અપ્સરાની જેમ આપની કામણગારી વીતરાગ મુદ્રા મારા હૃદયમાં આવીને વસી ગઈ છે. આ ઉપમાથી શ્રી મોહનવિજયજીના હૃદયમાં ચંદ્રપ્રભુસ્વામીની અનન્ય ભક્તિ કેવી પ્રબળ છે તેનો ચિત્તાર આ ગાથા આપે છે- તેમના મનમાં, હૃદયમાં, તનમાં, સર્વ રોમેરોમમાં શ્રી વીતરાગપ્રભુ જાણે આવીને વસી ગયા હોય અને પોતે જાણે એવી ધન્યતા અનુભવે છે કે જગત તો ભૂલાઈ જ ગયું છે અને પ્રભુના પ્રેમમાં પોતે મગ્ન બની ગયા છે ! તેમાં ડૂબી ગયા છે.
ઉપરની ગાથાના ઉત્તરાર્ધમાં પ્રભુને હવે દાસત્વભાવે વિનંતિ કરે છે કે, હે નાથ ! આપ માત્ર એક ઘડી માટે મારા નજર આગળની વાદળી, વાદળની છાયા, અર્થાત્ મારો આત્મા જે ચાર ઘાતિકર્મોથી (જ્ઞાનાવરણ દર્શનાવરણ, અંતરાય અને મોહનીયકર્મોથી) અવરાયેલો છે તેને માત્ર એક ઘડીના સમય માટે દૂર કરી આપો જેથી હું કેવળજ્ઞાનને પામી શાશ્વત સુખનું ધામ - મોક્ષપદને પામું. આટલી મારી વિનંતી સ્વીકારો.
આત્મસાધનાના અમૃત અનુષ્ઠાન
તાહરી ભક્તિ ભલી બની રે લો, જિમ ઔષધિ સંજીવની રે લો, તન મન આનંદ ઉપન્યો રે લો, કહે મોહન કવિરૂપનો રે લો. (૭)
૧૯૧
અંતે પ્રભુના ગુણગાન કરતાં શ્રી મોહનવિજયજી મહારાજશ્રી કૃતકૃત્ય ભાવે કહે છે કે, હે નાથ ! તમારા અનંતગુણોનાં દર્શન થતાં મારી ગુણાનુરાગવાળી પ્રશસ્તભાવભક્તિ એવી પ્રબળ મારા હૃદયમાં ઉલ્લસી છે કે મારા આનંદનો પાર નથી. જેવી રીતે સંજીવની નામની ઔષિધ એવી જડીબુટ્ટી છે કે તેના સેવનથી સર્વ રોગો મટી જાય, તેવી રીતે તમારા આ પ્રીતિ-ભક્તિ અમૃત અનુષ્ઠાનની સાધના વડે મારા આત્માના સર્વ વિભાવભાવો (વિષયકષાયના પરિણામો) દૂર થવા લાગ્યા છે અને તમારી ચરણોની ભક્તિ કરતાં મારા તન-મન અને રોમેરોમે જાણે વીર્યોલ્લાસ થવાથી આનંદનાં મોજાં નિર્મળ થઈ રહ્યા છે અને મારા આશ્રવ અને બંધ ભાવોનો નાશ થઈ રહ્યો છે, અને સંવર-નિર્જરા પ્રગટ થઈ રહ્યા છે. જે પ્રાંતે મને મારા શુદ્ધ સ્વભાવને પ્રગટ કરશે. અર્થાત્ આપની ભક્તિ મને શુદ્ધ સમ્યગ્દર્શનથી માંડીને ઠેઠ બારમા ગુણસ્થાનકે લઈ જશે અને જ્ઞાન તથા આનંદનું કામ એવું થશે કે જેનાથી શાશ્વત સિદ્ધપદની પ્રાપ્તિ થશે તેવો જાણે આનંદનું પૂર મારા હૃદયમાં આપની ભક્તિ કરતાં ઉભરાયો છે. કેવી અલૌકિક અને દિવ્ય ભક્તિ!!!
આવી રીતે પંડિત શ્રી રૂપવિજયજીના શિષ્ય મોહનવિજયજી પ્રભુના ગુણગાન કરે છે.
| SR No. | 034001 |
| Book Title | Aatm Sadhnanana Amrut Anushthan |
| Original Sutra Author | N/A |
| Author | Pravinchandra L Shah |
| Publisher | Jain Center of Connecticut |
| Publication Year | 2017 |
| Total Pages | 169 |
| Language | Gujarati |
| Classification | Book_Gujarati |
| File Size | 705 KB |