Page Text
________________
૧૮૮
પ્રકરણ : ૮ રચના અને સ્તવના કરતા કર્મનો આશરો, જોર તૂટવા લાગ્યું અને ૪૮ બેડીઓ તૂટી ગઈ. તેવી જ રીતે શ્રી ચંદનબાળા ભગવાન મહાવીરનું અવલંબન, અંધારી કોટડીમાં ત્રણ દિવસના ઉપવાસ અને પગમાં બેડી, કેવા દારૂણ કર્મો સામે લડવામાં શૂરવીરતા આપી અને બધા જ દુઃખો દૂર થયા એટલું જ નહિ પણ તે જ ભવે ચંદના સાધ્વીજી મોક્ષે સીધાવ્યા !! તેવી જ રીતે વર્તમાનકાળમાં પણ ભગવાન મહાવીરનું શાસન, તેમના આગમસૂત્રો, તેમના શાસનમાં થયેલા પ્રબુદ્ધ આચાર્યો અને ઉપાધ્યાયજી, સર્વ સાધુ ભગવંતોનાં વચનામૃત, સ્તવનો આદિ આપણને અત્યારે પણ પ્રબળ અવલંબન છે. આ પુસ્તક લખવાનો મારો મુખ્ય ધ્યેય આ જ છે કે ભગવાનના વિરહમાં, ૨૬૦૦ વર્ષોના લાંબા ગાળા બાદ પણ, ભગવાનની કરુણા, પ્રભુની કૃપા સર્વ જીવો પર નિરંતર વર્ષે છે. માત્ર આપણું પાત્ર અવળે છે તે સવળું કરવાની જરૂર છે. જેમ ઊંધા ઘડામાં કે પીપડામાં વરસાદનું પાણી સંગ્રહી ન શકાય પણ સીધા ઘડામાં સંગ્રહી શકાય તેમ, આપણી પ્રીતિ, આપણી ભક્તિ જગતના સંબંધોમાં અને પદાર્થોમાં છે. તે ધીમે ધીમે ઘટાડીને દેવ-ગુરુ-શાસ્ત્રોની ભક્તિમાં જોડાય તો આ મનુષ્યભવ મોક્ષની મંગળયાત્રામાં સંપૂર્ણ સફળતા આપે છે. “પંચમકાળે જિનબિંબ, જિનાગમ ભવિયણ કો આધારા,
જિગંદા તોરી અખિયનમેં અવિકારા” (શ્રી વિનયવિજયજીકૃત અંતરાય કર્મ નિવારણ પૂજા) ઉપરની ગાથાના ઉત્તરાર્ધમાં શ્રી મોહનવિજયજી પ્રભુને કહે છે કે, જેમ નાનું બાળક માતાની ગોદમાં વર્તતું હોય ત્યારે નિર્ભય જ હોય છે તેમ હે પ્રભુ ! તમારી ગોદમાં એટલે તમારા અવલંબનથી, તમારા ગુણાનુરાગવાળી પ્રશસ્ત ભક્તિમાં જો અમારી ચિત્તવૃત્તિ લીન થાય, જો તમારા શરણે અમે તન-મન-વચન-ધનની એકનિષ્ઠાવાળી
આત્મસાધનાના અમૃત અનુષ્ઠાન
૧૮૯ અર્પણ કરીને ભક્તિમાં લીન થઈએ તો હે પ્રભુ ! તમે જો ગોદમાં એટલે તમારા ચરણોમાં શરણાગત અમને આપો તો હવે નરકનિગોદ જેવી નીચેની ગતિમાં જવાનો Question જ નથી, અર્થાત્ જો તમારી કૃપાદૃષ્ટિથી અમને સમકિતની અનુભૂતિ થાય તો માત્ર ૩૪ ભાવે સિદ્ધદશાના અને અધિકારી થઈએ એમ તમારું આગમ અમને ગેરન્ટી આપે છે. તમારા વચનો તો રામબાણ જેવા છે જે સાધકને ચારે ગતિના દુ:ખોમાંથી મુક્ત કરીને પંચમગતિ – મોક્ષગતિ અપાવે તેવું તમારું ‘‘તિજ્ઞાણં તારયાણ” બિરૂદ છે તો હવે અમને હે પ્રભુ ! તારો અને કૃપા કરો. આ ગાળામાં ભક્તિના ત્રણ મુખ્ય લક્ષણો - પ્રેમ-શ્રદ્ધા અને અર્પણતાની દીવ્યતા પ્રકાશે છે અને તેનું ફળ ભક્તની નિર્ભયતા અને નિશક્તાની પ્રાપ્તિ છે, અને તે ઠેઠ મોક્ષપુરીની યાત્રા સફળ કરાવે તેવું પ્રબળ અવલંબન છે !!! જબ તાહરી કરુણા થઈ રે લો, કુમતિ દુર્ગતિ દૂરે ગઈ રે લો, અધ્યાતમ રવિ ઉગિયોરે લો, પાપ કરમ કહાં પુગિયારે લો (૫)
હે પ્રભુ ! મારા વડે કરાયેલી ભક્તિના ફળરૂપે આપની અમીદષ્ટિ, કરુણાની કૃપાદૃષ્ટિ મારા પ્રત્યે થઈ ત્યારથી મારા હૃદયમાંથી કુમતિ એટલે માઠા પરિણામ, આર્તધ્યાન રૌદ્રધ્યાનના મલીન પરિણામો દૂર થઈ ગયા, જેના ફળ તરીકે મારો આત્મા હવે માઠી ગતિ જેવી કે નરક કે નિગોદનાં તીવ્ર કર્મ બાંધી શકે તેમ જ નથી, પરંતુ અનુક્રમે આત્માનું કલ્યાણ જ થશે.
વળી આપનો અધ્યાત્મરૂપી સૂર્ય ઉગ્યો. આપના કેવળજ્ઞાનના પ્રકાશથી આપની દેશનાનું શ્રવણ થતાં, જેમ સૂર્ય ઉગતાં પૃથ્વી ઉપર અંધકાર દૂર થઈ ઉજજવળ પ્રકાશ થાય છે, તેમ આપના તત્ત્વપ્રવચનથી મારું અનાદિકાળનું મિથ્યાત્વ એટલે અજ્ઞાન દૂર થયું છે. સમ્યકત્વની અનુભૂતિ થવાથી પાપકર્મના પરિણામ હવે થતા જ નથી માટે શુભ
| SR No. | 034001 |
| Book Title | Aatm Sadhnanana Amrut Anushthan |
| Original Sutra Author | N/A |
| Author | Pravinchandra L Shah |
| Publisher | Jain Center of Connecticut |
| Publication Year | 2017 |
| Total Pages | 169 |
| Language | Gujarati |
| Classification | Book_Gujarati |
| File Size | 705 KB |