Jain Itihasni Zalako

SR No.: 032845
Original Sutra Author: N/A
Author: Chandrashekharvijay
Publisher: Kamal Prakashan Trust
Publication Year: 1980
Total Pages: 210
Language: Gujarati
Classification: Book_Gujarati
File Size: 14 MB

Page 109

જૈન ઇતિહાસની ઝલકો લાગ્યા. શ્રાવકોએ કાયોત્સર્ગ દ્વારા શાસનદેવીને પૂછ્યું કે, “આવા સમયે અધિષ્ઠાયક દેવો રક્ષા કરવા કેમ ઉદ્યત ન થાય ?' શાસનદેવીએ ઉત્તર આપ્યો, “હાલ મ્લેચ્છોના બળવાન વ્યંતર દેવોએ અમને બધાને મુશ્કેલીમાં મૂકી દીધા છે. વળી ત્રણ વર્ષ બાદ આ નગરીનો એ મ્લેચ્છો દ્વારા નાશ પણ થઈ જવાનો છે. છતાં તમે એક કામ કરો. તમે નાડોલ પહોંચો, અને ત્યાં બિરાજતા આચાર્ય માનવદેવસૂરિજીનાં ચરણોને પખાળીને તેનું જલ અહીં સર્વત્ર છાંટી દો. જ્યારે આ ઉપદ્રવ શાંત થાય કે તરત તમે તમામ જૈને આ નગર છોડીને ચાલ્યા જજો. સંઘે વીરચંદ નામના શ્રાવકને સુરિજી પાસે મોકલ્યો. પણ તે વખતે સુરિજીને દેવીઓ સાથે વાત કરતાં જોઈને તેને ખૂબ દુઃખ થયું. સુરિજીના ચારિત્ર્ય માટે શંકા પડી. આથી જાણીને સુરિજીની અવજ્ઞા દર્શાવવા સાથે બેઠો અને તેનું વર્તન જોઈને અકળાયેલા દેવીઓએ તેને બાંધી દીધો. પણ સુરિજીએ તેને છોડાવ્યો. દેવીઓએ તેને આવા પવિત્ર સુરિજી માટે શંકા કરવા બદલ ઠપકો આપ્યો. વીરચંદે ક્ષમા માંગી. - સુરિજીએ લઘુશાન્તિ બનાવીને વીરચંદને આપી. એ ગણીને પાણી છાંટવાનું જણાવ્યું. મરકીનો ઉપદ્રવ શમી ગયો. ત્યાર બાદ ત્રણ વર્ષે તક્ષશિલાને સ્વેચ્છાએ ભાંગી. વીર સં. ૭૩૧માં સૂરિજીએ ગિરનાર ઉપર અનશન કર્યું. [183] બોદ્ધવિજેતા મલવાદિસૂરિજી બૌદ્ધોને ભારતમાંથી ઉચાળા ભરાવનાર સૌ પ્રથમ આચાર્ય શ્રી મલવાદિસૂરિજી હતા. જે બૌદ્ધો રહી ગયા તેને આદ્ય શંકરાચાર્યે રવાના કર્યા. [184] હંસ અને પરમહંસ મુનિઓ સૂરિપુરંદર હરિભદ્રસૂરિજીના બે ભાણિયા હંસ અને પરમહંસ કૌટુંબિક ક્લેશથી કંટાળીને સંસારવિરક્ત થયા હતા. બાદ મામી મહારાજ પાસે દીક્ષા લીધી હતી. ન્યાયદર્શનનો ઠોસ અભ્યાસ કર્યા બાદ બૌદ્ધદર્શનનો અભ્યાસ કરવાની તેમને ભાવના થઈ. ગમે તે કારણે સૂરિજીએ બૌદ્ધોના મઠમાં જઈને અભ્યાસ કરવાની વાતમાં સંમતિ-આશિષ ન આપ્યાં છતાંય દુર્ભાગ્યે બન્ને બૌદ્ધ મઠમાં મુનિવેષને ગુપ્ત કરીને ગયા. અભ્યાસ કરતાં કરતાં તેઓ એક વાર પકડાઈ ગયા. ચેતી જઈને ભાગવા ગયા પરંતુ બૌદ્ધોએ જોરદાર પીછો પકડ્યો હતો એટલે હંસ મુનિ તો રસ્તામાં જ પકડાઈ ગયા અને ત્યાં જ તેઓને ખતમ કરી દેવાયા.