________________ * 'સ્માઈલીંગ ફેસ પોલિસી 'કઈ/ કોઈ કટાક્ષ કરે, મજાકમાં કંઈક સંભળાવી દે, બધાની વચ્ચે આપણી “પટ્ટી’ ઉડાડે - આવા બધાં સમયે મગજની પ્રસન્નતા જાળવવી અઘરી થઈ પડે છે. મગજ કાબૂ બહાર જતું રહે છે. ગુસ્સો થઈ જતો હોય છે. આ પોલિસી આવી પરિસ્થિતિ માટે છે. કોઈ મજાક કરે ત્યારે તમે ચીડાઈ જાઓ છો. માટે, સામેવાળાની મજાક સાર્થક થઈ જાય છે ! પછી બધાં તમારી વધારે મશ્કરી કરશે. જેમ જેમ તમે ચીડાશો, તેમ તેમ તમારી વધારે ને વધારે મશ્કરી થશે. લોકો તો આમ પણ બોલે અને તેમ પણ બોલે. દરેક વખતે ચહેરો હસતો રાખશો તો લોકો બોલતા બંધ થઈ જશે. એક વિદ્વાન મૈથિલ પંડિત ગામની બહાર પોતાના મકાનમાં ફળિયાની અંદર તુલસીના છોડને પાણી પાઈ રહ્યા હતા. પવનમાં તેમની ચોટી ફરફર થઈ રહી હતી. ચોટી જોઈને છોકરા તો નિર્દોષભાવે મસ્તી કરવા લાગ્યા. “ચોટીવાળા મહારાજ ! ચોટીવાળા મહારાજ !" પંડિતજી ગુસ્સે થઈ ગયા. જેમ જેમ પંડિતજી ગુસ્સે થતા ગયા તેમ તેમ છોકરાઓ વધારે ને વધારે ચીડવતા ગયા. પંડિતજી હેરાન થઈ ગયા. બીજે દિવસે ચોટી કાઢી નાખી તો ‘ટકા મહારાજ !", “ટકા મહારાજ !'... આ 331
